Vermont shtatynyń senatory Berni Sanders 47 paiyzǵa jýyq daýys alyp, Nevada shtatyndaǵy demokratiialyq partiianyń bastapqy daýys berý protsesinde senimdi túrde jeńip shyqty.
Bul jeńis Sanderstiń demokratiialyq partiia atynan AQSh prezidenttigine kandidattyq úshin kúrestegi múmkindigin kúsheitedi. Ekzitpol málimetterine qaraǵanda, Sandersti jas erekshelikteri ártúrli bolǵanyna qaramastan sailaýshylardyń basym kópshiligi qoldaǵan.
Aiova jáne Niý-Gempshir shtattaryna qaraǵanda Nevada shtatyndaǵy elektorat ishinde etnikalyq azshylyqtyń úlesi aitarlyqtai kóp.
AQSh-tyń burynǵy vitse-prezident Djo Baiden 20 paiyzdan az daýys jinap, ekinshi oryn alǵan. Baqylaýshylardyń pikirinshe, Ońtústik Karolina shtatyndaǵy bastapqy daýys berý protsesinde tek qana jeńiske jetpese Baideniń jaǵdaiy qiyndai túsedi. Aiova men Niý-Gempshirdede jeńilip, Nevada da túzele almaǵany - osyǵan deiin demokratiialyq partiianyń prezidenttikke basty kandidaty atalyp kelgen Baidenniń reitingin aitarlyqtai túsirgen.
Qazir Baidendi demokrattardyń orta eseppen 18 paiyzy, Sandersti 29 paiyzy qoldaidy. Sanderstiń qarsylastary, demokratiialyq partiianyń tsentristeri "Sanders prezident sailaýyna tússe demokrattar jeńiledi, óitkeni ózin "demokrat sotsialist" dep sanaityn jáne radikaldy áleýmettik - ekonomikalyq ózgeris jasaýdy usynyp júrgen adamdy amerikalyqtardyń kópshiligi qoldamaidy" dep sanaidy.
