Resei Izraildiń Siriiadaǵy is-qimylyna kedergi keltirmeidi, - dep málimdedi Máskeýde Resei prezidenti Vladimir Pýtinmen kezdesken soń Izrail Biniamin Netaniahý.
"Siriiada qazir ne bolyp jatqanyn eskere otyryp, reseilik áskeriler men Izrail armiiasy arasyndaǵy úilestirý jumysyn jalǵastyra berý kerek jáne kezdeisoq qaqtyǵysty boldyrmaý qajet" dedi Netaniahý jýrnalisterge.
Máskeýde Biniamin Netaniahý Resei prezidentimen birge Qyzyl alańda ótken áskeri paradty tamashalady, Kremldegi Belgisiz sarbaz qabirine gúl shoǵyn qoidy jáne "Máńgi ólmes polk" aktsiiasyna qatysty. Netaniahý aktsiiada Sovet odaǵynyń batyry Volf Vilenskiidiń sýretin ustap júrdi.
9 mamyrǵa qaraǵan túni Siriianyń memlekettik BAQ-y Damask túbindegi Siriia úkimet áskeriniń áskeri bazasyna zymyranmen soqqy jasalǵanyn habarlaǵan. Soqqyny Izrail aviatsiiasy jasaǵan.
8 mamyrda AQSh prezidenti Donald Tramp Iranmen jasalǵan iadrolyq kelisimnen shyǵatynyn málimdegen soń Izrail Golan jotalary aýmaǵynda joǵary áskerin daiyndyqqa keltirgen. Izrail "Siriiadaǵy Iran kúshteriniń shekten tys belsendiligin" baiqaǵannan keiin osyndai shara qabyldaǵan.
