Nursultan Nazarbaev Qazaqstanǵa resmi saparmen kelgen Izrail memleketiniń premer-ministri Biniamin Netaniahýmen kezdesti, - dep habarlaidy "Ult aqparat" Aqordaǵa silteme jasap.
Shaǵyn quramda ótken kezdesý barysynda Qazaqstan men Izrail seriktestiginiń basty baǵyttary talqylandy jáne saýda-ekonomika, investitsiia, sondai-aq innovatsiialyq tehnologiialar salalaryndaǵy yntymaqtastyqtyń negizgi máseleleri qarastyryldy.
Taraptar kún tártibindegi meilinshe ózekti halyqaralyq jaittar jóninde de pikir almasty.
Memleket basshysy Nursultan Nazarbaev Biniamin Netaniahýdiń sapary barsha qazaqstandyqtar úshin aitýly mereke - Táýelsizdiktiń 25 jyldyǵy qarsańynda ótip otyrǵanyn aitty.
"Osy jyldarda Qazaqstan men Izrail arasynda jyly qarym-qatynas saqtalyp keledi. Qazaqstanda turyp jatqan kóptegen evrei diasporasy ókilderi men Izraildegi qazaqstandyq qaýymdastyq halyqtarymyz arasyndaǵy syndarly qarym-qatynastyń dánekeri bolyp otyr", - dedi Qazaqstan Prezidenti.
Memleket basshysy Qazaqstannyń Izrailmen iskerlik bailanystardy odan ári damytýǵa múddeli ekenin aita kele, bul sapar ekijaqty qarym-qatynas aiasyn keńeitýge tyń serpin beredi dep úmittenetinin bildirdi.
Izrail memleketiniń premer-ministri Qazaqstanǵa Táýelsizdik mereitoiy qarsańynda kelgeni ózi úshin zor mártebe ekenin jetkizdi. "Qazirgi kezde álem úlken ózgeristerdi bastan ótkerýde, qaýipsizdik salasynda kóptegen syn-qaterler paida boldy. Sonymen birge bul ózgerister negizinen ekonomikanyń kez kelgen salasymen tyǵyz bailanysty jańa tehnologiialardyń zor múmkindikterine jol ashýda", - dedi Biniamin Netaniahý.
Premer-ministr Izraildiń qaýipsizdik pen jańa tehnologiialar salasynda zor tabystarǵa jetkenine nazar aýdardy.
"Osyǵan orai Qazaqstan damýynyń strategiialyq josparlary men Izraildiń múmkindikterin eki eldiń igiligi jolynda ushtastyrýdy usynamyn", - dedi Izrail premer-ministri.
Memleket basshysy Izrail premer-ministriniń usynysy Qazaqstan tarapynyń josparlarymen úilesetinin atap ótti. "Izraildiń innovatsiia men jańa tehnologiialar salasyndaǵy jetistikteri bizge jaqsy tanys. Búginde 270 kompaniia ekonomikanyń túrli salalarynda Qazaqstan kásiporyndarymen yntymaqtasa jumys júrgizýde. Siz usynǵan format boiynsha yntymaqtastyq ornatý týraly másele búgingi biznes-forým aiasynda qyzý talqylanady dep oilaimyn", - dedi Nursultan Nazarbaev.
.jpeg)