Nesie tarihy kollektorlarǵa ótken turǵyndardyń boryshyn keshirý máselesi eki sanat boiynsha qaralady. Bul týraly QR Ulttyq bank tóraǵasynyń orynbasary Oleg Smoliakov Ortalyq kommýnikatsiialar qyzmetinde ótken baspasóz konferentsiiasyn aitty.
«Nesiesi kollektorlarǵa ótip ketken azamattardyń máselesi eki sanat boiynsha qaralady. Birinshisi boiynsha, nesie bank balansynan shyǵarylmaidy. Kollektor qaryz alýshy men bank arasynda bailanys ornatyp, qaryzdyń qaitýyna yqpal etedi. Ondai nesieler bank balansyna saqtalatyndyqtan, boryshyn keshirý aktsiiasyna qatysa alady. Al nesie bank balansynan shyǵarylyp, kollektorǵa satylǵan bolsa, ondai nesie ieleri keshirimnen tys qalady. Kollektorlyq týraly zańnamada bank qaryz iesiniń kelisimi bolǵan jaǵdaida ǵana ony kollektorǵa ótkize alady. Kollektorǵa ótip ketken borysh iesine bank budan keiin shaǵymdana almaidy. Qazir isi kollektordyń qolynda jatqan qansha boryshker bar ekenin aita almaimyn. Ondai nesielerdiń jalpy somasy birneshe ondaǵan mlrd teńgeden asady», - dedi Oleg Smoliakov.
Eske salsaq, QR Prezidenti Qasym-Jomart Toqaev qazaqstandyqtardyń borysh júktemesin jeńildetý týraly Jarlyqqa qol qoiǵan bolatyn.
Búginge deiin borysh júktemesin jeńildetý boiynsha 507 myń qazaqstandyq anyqtalǵan.
