QR Qarjy naryǵyn retteý jáne damytý agenttigi Qarjylyq qyzmetterdi tutynýshylardyń quqyqtaryn qorǵaý departamentiniń direktory Aleksandr Terentev qańtardaǵy tártipsizdikterden keiingi qoldaý sharalary kórsetilmeitin sanattardy atady, dep habarlaidy QazAqparat.
«Qaryzdy keshirý nemese qosymsha kómek kórsetý boiynsha barlyq máseleler jeke-jeke júrgiziletin bolady. Eger adam belsendi qatysyp, quqyq qorǵaý organdary men sot ony tártipsizdikterge kináli dep tanysa, árine, bul qoldaý sharalary olarǵa qoldanylmaidy», - dep túsindirdi Aleksandr Terentev Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, Ishki ister ministrligi áskeriler men qyzmetkerleriniń tizimin jasady, olar boiynsha tiisti jumystar júrgizildi.
«Qazirgi ýaqytta zańsyz is-áreketterge qatysy joq jeke tulǵalar tizimderin Eńbek jáne halyqty áleýmettik qorǵaý ministrligimen birge pysyqtap jatyrmyz jáne olar boiynsha da áskeri qyzmetshiler men ishki ister qyzmetkerleri úshin kózdelgen sharalar júrgiziledi», - dep atap ótti A. Terentev.
