Otandyq baǵdarlamalardyń birinde qazaqstandyq áiel nesiesin jabý úshin sábiin satatynyn aityp jurtty shoshytty. Sondai-aq, áli jaryq dúnie esigin ashyp úlgermegen sábiine baýyr basyp qalǵanyn da jasyrmady.
Jelide sábiin satqysy keletin qazaqstandyq áiel týraly video paida boldy. Atalǵan videoda áiel sábiin nesiesin jabý úshin satatynyn aitady.
"Men ishimdegi balany erikkennen bireýge sataiyn dep jatqan joqpyn. Men oǵan 14 aptanyń ishinde baýyr basyp qaldym. Biraq basymda 500 myń nesiem bar. Onyń protsenti ósip jatyr", — dedi áiel Jetinshi arnanyń "Óz oiym" baǵdarlamasynda.
Ári qarai ol júkti ekenin óziniń aǵasynan jasyryp júrgenin jetkizdi. Aldaǵy ýaqytta bul áreketin qalai jalǵastyratynyn bilmeitinin de aityp ótti.
"Nesie ózime kerek boldy. Azdap tólegen edim, bankten qaita-qaita habarlasyp jatyr. Ózim týysqan aǵammen birge turamyn. Ol aiaǵym aýyr ekenin ázirge bilmeidi. Úide ishimdi orap alyp júremin", — dedi áiel.
Jeli qoldanýshylary bul oqiǵany estip ashýlanǵandaryn jarysa jazyp jatyr. Arasynda áieldi jaqtap sóilegender de boldy.
"Bárimizdiń basymyzda nesie bar. Aiaq qolyń men on eki músheń saý siiaqty. Odan da aq jolmen aqsha tabýǵa tyrys. Alaqanymyzdy jaiyp Alladan surasaq, tynbai eńbek etsek, aldymyzdaǵy qiynshylyqtardy jeńip ótemiz ǵoi" dep jazdy jeli qoldanýshylarynyń biri.
