Ústimizdegi jylda áleýmettik jaǵynan az qamtylǵan azamattar úshin arendalyq baspanany salýǵa 25 milliard teńge bólinip otyr, dep xabarlaidy Ult.kz tilshisi QazAqparat agenttigine silteme jasap.
«Biyldan bastap «Nurly jer» baǵdarlamasy aiasynda ol aqsha jergilikti atqarýshy organdarǵa bólindi. 1,5 milliard teńgeden árbir óńirge taratylyp berildi. Ol árbir oblysta 180 páter salynady degen sóz. Barlyǵy 3 myń arendalyq páter turǵyzylady. Bul - jalǵa beriletin, biraq satylmaityn úiler. Kimge beriledi? Aldymen birinshi sanattaǵy múgedekter men jetimderge beriledi. Sosyn nesie ala almaityn, qarjysy jetpeitin azamattarǵa beriledi. Al aqshasy barlar nesie alsa bolady», - dedi QR Investitsiialar jáne damý ministrligi qurylys jáne turǵyn úi-kommýnaldyq sharýashylyq isteri komitetiniń tóraǵasy Marxabat Jaiymbetov búgin Astanada ótken baspasóz máslixatynda.
Komitet basshysynyń aitýynsha, bir jylda 3 myń arendalyq páter salynsa, 15 jylda 40 myń arendalyq baspanany paidalanýǵa berý josparlanyp otyr. Ol úilerdiń ortasha aýdany 50-60 sharshy metr bolady. «Biyl qurylys jumystary bastalýy tiis. Sebebi biz tiisti qarjyny bólip berdik», - dep atap kórsetti Marxabat Jaiymbetuly.
Aita keteiik, Memleket basshysy Nursultan Nazarbaevtyń tapsyrmasymen Qazaqstanda "Nurly jer" baǵdarlamasy qabyldaǵan bolatyn. Oǵan "Nurly jol" baǵdarlamasynda bolǵan turǵyn úi jinaqtary, arendalyq baspana men ipotekalyk nesie tetikteri aýystyryldy. Sondai-aq, jańa baǵdarlamada jeke turǵyn úi qurylysyna arnalǵan bólim bar. Sonyń aiasynda biyldan bastap bos turǵan jerlerge infraqurylym jelileri tartylyp, el azamattaryna jeke úidi salý úshin taratylady.
.jpeg)