Shyńjań-Uiǵyr avtonomiialy aýdanynda 1 million musylman qamaýda otyr. Germaniialyq zertteýshi Adrian Zents óz baiandamasynda osyndai derek keltiredi. Nemis oqytýshysy saiasi úiretý ortalyqtaryna uiǵyrlar, qazaqtar men qyrǵyzdardyń qamalǵanyn aitqan. Osy málimetti negizge ala otyryp, AQSh-tyń "The Washington Post " basylymy kólemdi maqala jariialapty. Bul týraly "Jas Alash" habarlaidy.
Derekke sensek, Qytai úkimeti Shyńjańdaǵy 40 eldimekende ornalasqan saiasi úirený ortalyqtaryn damytý úshin arnaiy tendr jariialapty. Olar bul jobany alǵash 2016 jyly qolǵa alyp, júzege asyrýǵa jeń túre kirisken syńaily. Jobanyń jalpy quny 680 mln iýanǵa (107 mln dollar) baǵalanǵan.
Biyl sáýir aiynda jariialanǵan tendr boiynsha, 286 myń sharshy metr aýmaqqa alyp ortalyq salý kózdelgen eken. Ol jerde politseilerden bólek, kriminaldy psihologiia jáne áskeri tájiribesi bar adamdar jumys istemek. Qazir jergilikti bilik ókilderi osyndai saladan habary adamdardy izdep jatqan kórinedi.
