Qostanai oblysynda nemeresin qutqarmaq bolǵan atasy da sýǵa ketti,, dep habarlaidy ult.kz.
Olardyń denesi izdestirilip jatyr.
Qostanai aýdanyna qarasty Altyn dala aýylynyń mańyndaǵy Tobyl ózeni jaǵalaýyna bir otbasy demalýǵa tabiǵatqa shyqqan.
Sol kezde oinap júrgen 6 jasar bala súrinip sýǵa qulaǵan. Odan ári ony aǵys alyp ketken.
Muny kórgen atasy nemeresin qutqarý úshin sýǵa sekirgen. Alaida ózenniń qatty aǵysy ekeýin de aǵys boiymen alyp ketken.
Izdestirý-qutqarýǵa mamandar, arnaiy tehnika, júzý quraldary men dron tartylǵan.
70 myń sharshy metr aýmaq tekserildi.Úsh súńgýir toby jumys istep jatyr. Biraq ázirge esh nátije joq.
