قوستاناي وبلىسىندا نەمەرەسٸن قۇتقارماق بولعان اتاسى دا سۋعا كەتتٸ,, دەپ حابارلايدى ult.kz.
ولاردىڭ دەنەسٸ ٸزدەستٸرٸلٸپ جاتىر.
قوستاناي اۋدانىنا قاراستى التىن دالا اۋىلىنىڭ ماڭىنداعى توبىل ٶزەنٸ جاعالاۋىنا بٸر وتباسى دەمالۋعا تابيعاتقا شىققان.
سول كەزدە ويناپ جٷرگەن 6 جاسار بالا سٷرٸنٸپ سۋعا قۇلاعان. ودان ەرٸ ونى اعىس الىپ كەتكەن.
مۇنى كٶرگەن اتاسى نەمەرەسٸن قۇتقارۋ ٷشٸن سۋعا سەكٸرگەن. الايدا ٶزەننٸڭ قاتتى اعىسى ەكەۋٸن دە اعىس بويىمەن الىپ كەتكەن.
ٸزدەستٸرۋ-قۇتقارۋعا ماماندار, ارنايى تەحنيكا, جٷزۋ قۇرالدارى مەن درون تارتىلعان.
70 مىڭ شارشى مەتر اۋماق تەكسەرٸلدٸ.ٷش سٷڭگۋٸر توبى جۇمىس ٸستەپ جاتىر. بٸراق ەزٸرگە ەش نەتيجە جوق.
