Negizgi Zańnyń erejeleri qoǵam men memlekettiń damýy úshin irgeli qaǵidattar júiesin quraidy. Bul týraly Nursultan Nazarbaev Qory atqarýshy direktorynyń orynbasary, Qazaqstan Respýblikasynan Venetsiia komissiiasy múshesi, zań ǵylymdarynyń doktory, professor Igor Rogov aitty, dep habarlaidy QazAqparat.
«Jańa Qazaqstan memlekettiliginiń bastaýynda turǵan jáne qoldanystaǵy Konstitýtsiianyń jobasyn ázirleýde ideologiialyq shabyt bergen Nursultan Ábishuly Nazarbaev ekeni belgili. Ol bul kúrdeli jumysty basqaryp qana qoimai, jeke ózi konstitýtsiialyq qurylystyń tájiribesin zerttep, Konstitýtsiianyń mátinimen kásibi túrde jumys jasady jáne ony Qazaqstan halqy respýblikalyq referendýmda qabyldaǵannan keiin ol Negizgi Zańnyń normalaryn júzege asyrýda tabandylyq tanytty», - dedi professor Igor Rogov elordada «Qazaqstan Respýblikasynyń Konstitýtsiiasy - qoǵam men memleketti áleýmettik modernizatsiialaýdyń irgeli negizi» taqyrybynda ótip jatqan halyqaralyq ǵylymi-praktikalyq onlain-konferentsiiada.
Nursultan Nazarbaev Qory atqarýshy direktorynyń orynbasary «constitutio» sózi latyn tilinen aýdarǵanda «qurý»,«bekitý» degen maǵynany bildiretinin aitty. Negizgi zańnyń erejeleri qoǵam men memleket damýynyń irgeli qaǵidalarynyń júiesin quraidy jáne olardyń tiisti túrde júzege asyrylýyn qamtamasyz ete otyryp, memlekettilikti, qoǵamdaǵy kelisim men turaqtylyqty nyǵaitady.
«Ekinshi jaǵynan alyp qaraǵanda, kez kelgen qoǵam men memleket qajetti saiasi, quqyqtyq, áleýmettik-ekonomikalyq, ulttyq jáne basqa jaǵdailardyń jetilýine qarai zamanaýi syn-qaterler men tendentsiialardy eskere otyryp damýy kerek. Osy turǵydan alǵanda, biz ómirdiń negizgi salalaryn jańartý úshin tereń reformalar, onyń ishinde konstitýtsiialyq reformalar júrgizilgen kezde turaqtylyq pen dinamizm arasyndaǵy dialektikalyq qaishylyqty únemi baiqap otyramyz», - deidi Igor Rogov.
Ol Qazaqstannyń qazirgi konstitýtsiialyq jáne quqyqtyq damýyndaǵy erekshe aiqyn úrdisterdi atap ótti
1. Joǵary qundylyqtary adam, onyń ómiri, quqyqtary men bostandyqtary bolyp sanalatyn demokratiialyq jáne quqyqtyq memleketti keńinen qurý.
2. Biryńǵai memlekettik bilik tarmaqtarynyń rólin, táýelsizdigi men jaýapkershiligin kúsheitý, ortalyq jáne jergilikti memlekettik organdar men jergilikti ózin-ózi basqarý organdary arasyndaǵy keibir fýnktsiialardy ortalyqsyzdandyrý jáne qaita bólý arqyly prezidenttik basqarýdyń demokratiialyq modernizatsiiasy.
3. Qoldanystaǵy zańnamada, quqyq qoldaný praktikasynda, memlekettik mekemelerdiń, qoǵamdyq uiymdardyń jáne azamattardyń qyzmetinde konstitýtsiialyq erejelerdi maksimaldy túrde júzege asyrýǵa baǵyttalǵan. Basqasha aitqanda, konstitýtsiialyq normalardy, olarda bekitilgen konstitýtsiialyq qundylyqtardy naqty mazmunmen toltyrý.
4. Memlekettegi konstitýtsiialyq patriotizmdi maqsatty túrde qalyptastyrý. Onyń negizgi qaǵidattary – bul zań men quqyqtyń tártiptiń ústemdik qurýy, jalpyǵa ortaq zańǵa baǵyný jáne qaýipsizdik, bostandyq pen jaýapkershilik.
5. Konstitýtsiiany túsiný men naqtylaýda, onyń ústemdigi men tikelei áreketin qamtamasyz etýde mańyzdy ról atqaratyn konstitýtsiialyq baqylaý, sot jáne quqyq qorǵaý júielerin jańǵyrtý. Negizgi Zańda belgilengen missiia men fýnktsiialardy oryndaý kezinde kórsetilgen memlekettik organdar bir jaǵynan konstitýtsiialyq erejeler men qundylyqtardyń myzǵymastyǵyn qamtamasyz etedi, ekinshi jaǵynan, quqyq qoldaný protsesinde olar zańnamany jáne quqyq qoldaný praktikasynda qazirgi zamanǵy júielik qaǵidattardyń qalyptasýyna yqpal etetin qoldanystaǵy konstitýtsiialyq tujyrymdamalar sheńberindegi mazmundy baiytady.
«Sonymen, Konstitýtsiia da, Qazaqstannyń konstitýtsiialyq-quqyqtyq damýy da, olardyń negizinde bizdiń elimizdiń qol jetkizgen jetistikteri de - osynyń barlyǵy ulttyq kóshbasshymyz Nursultan Nazarbaevtyń júieli jumysynyń nátijesi. Ol qurǵan Qazaqstan memlekettiliginiń quqyqtyq negizderi qoǵam men memlekettiń, sonyń ishinde jahandyqtyń damý protsesinde týyndaityn barlyq qiyndyqtardy oidaǵydai sheshýdi qamtamasyz etetin ózek. Al respýblikanyń qazirgi Prezidenti Qasym-Jomart Kemeluly Toqaev júrgizip otyrǵan saiasi baǵyttyń sabaqtastyǵy Qazaqstannyń turaqtylyǵy men gúldenýine kepildik beredi», - deidi ol.
