Ulytaý oblysyndaǵy Joshy han kesenesine kelgen Mońǵoliiadan kelgen týristerdiń áreketi áleýmettik jelide qyzý talqyǵa tústi, dep habarlaidy ult.kz.
Týr uiymdastyrýshysy Saǵadat Muhambetov jariialaǵan videoda qonaqtardyń kesene ishine sút, taǵam jáne araq qoiyp, arsha jaqqany kórinedi.
Onyń aitýynsha, bul áreketti tarihi eskertkishke jasalǵan qurmetsizdik retinde qabyldaýǵa bolmaidy. Sebebi mońǵol halqynyń salt-dástúri men dini nanymynda ata-baba rýhyna taǵam men ishimdik qaldyrý – erekshe qurmettiń belgisi. Osyǵan bailanysty ol jurtshylyqty ózge halyqtyń mádenieti men dúnietanymyna túsinistikpen qaraýǵa shaqyrdy.
Saǵadat Muhambetovtiń sózinshe, týrister ketkennen keiin kesene ishi qazaqy dástúrge sai qaita retke keltiriledi. Qaldyrylǵan zattar syrtqa shyǵarylyp, jaǵylǵan arsha tolyq óshiriledi.
