Beijiń Olimpiadasynyń chempiony Baqyt Sársekbaev Parij Olimpiadasyna qatysyp jatqan boksshy jigitterdiń daiyndyǵyn synǵa aldy, dep habarlaidy "Ult aqparat" Azattyq Rýhy saityna silteme jasap.
Facebook áleýmettik jelisinde qaldyrǵan jazbasynda Sársekbaev Olimpiada oiyndaryna qatysyp jatqan jigitterdiń fizikasy óte nashar ekenin atap ótti.
"Ekinshi raýndta demalystary qiyndap, áreń júr ringte. Ýdarlary az. Kombinatsiia ýdarov tipti az. Úsh minýtta qansha ýdar jaýdyrýǵa bolady?! Fizikasymen ainalysýǵa arnaiy shaqyrtylǵan kýbalyq maman qaida qarap júr? Tselaia naýchnaia grýppa qaida? Nege bizdiń bokserlar demi jetispei júr? Úsh raýnd aiaqta tura almaidy. Ne istep júrsińder shubyryp báriń? Birinshi boidan óte almady degen ne sumdyq???" , - dep jazdy Sársekbaev.
Sondai-aq ol litsenziia alǵan boksshylardyń jarysqa deiin ótkizgen jekpe-jekterine qatysty ýájin aitty.
"Árbir bokser litsenziia alǵannan Olimpiadaǵa deiin neshe boi ótkizdi? Praktika bar ma? Mysaly, men jarty jylda 22 boi ótkizdim. Bas bapkerge aitatyn sózim joq tipti...", - dedi ol.
