بەيجٸڭ وليمپياداسىنىڭ چەمپيونى باقىت سەرسەكباەۆ پاريج وليمپياداسىنا قاتىسىپ جاتقان بوكسشى جٸگٸتتەردٸڭ دايىندىعىن سىنعا الدى, دەپ حابارلايدى "ۇلت اقپارات" Azattyq Rýhy سايتىنا سٸلتەمە جاساپ.
Facebook ەلەۋمەتتٸك جەلٸسٸندە قالدىرعان جازباسىندا سەرسەكباەۆ وليمپيادا ويىندارىنا قاتىسىپ جاتقان جٸگٸتتەردٸڭ فيزيكاسى ٶتە ناشار ەكەنٸن اتاپ ٶتتٸ.
"ەكٸنشٸ راۋندتا دەمالىستارى قيىنداپ, ەرەڭ جٷر رينگتە. ۋدارلارى از. كومبيناتسييا ۋداروۆ تٸپتٸ از. ٷش مينۋتتا قانشا ۋدار جاۋدىرۋعا بولادى?! فيزيكاسىمەن اينالىسۋعا ارنايى شاقىرتىلعان كۋبالىق مامان قايدا قاراپ جٷر? تسەلايا ناۋچنايا گرۋپپا قايدا? نەگە بٸزدٸڭ بوكسەرلار دەمٸ جەتٸسپەي جٷر? ٷش راۋند اياقتا تۇرا المايدى. نە ٸستەپ جٷرسٸڭدەر شۇبىرىپ بەرٸڭ? بٸرٸنشٸ بويدان ٶتە المادى دەگەن نە سۇمدىق???" , - دەپ جازدى سەرسەكباەۆ.
سونداي-اق ول ليتسەنزييا العان بوكسشىلاردىڭ جارىسقا دەيٸن ٶتكٸزگەن جەكپە-جەكتەرٸنە قاتىستى ۋەجٸن ايتتى.
"ەربٸر بوكسەر ليتسەنزييا العاننان وليمپياداعا دەيٸن نەشە بوي ٶتكٸزدٸ? پراكتيكا بار ما? مىسالى, مەن جارتى جىلدا 22 بوي ٶتكٸزدٸم. باس باپكەرگە ايتاتىن سٶزٸم جوق تٸپتٸ...", - دەدٸ ول.
