Foto: ashyq derekkóz
Nazira Baqaeva ózinen birneshe jas kishi Doris esimdi qyzben birge ómir súrip jatqanyn aitty. Onyń sózinshe, bul tanystyq onyń ómirinde erekshe kezeńmen tuspa-tus kelgen. Bul týraly ol Qysqa Soz podkastynda ashyp aitty.
«Doris-qa aitar alǵysym zor. Ol meni qiyn kúiden alyp shyqty, ómirime jaryq syilady. Maǵan kórsetken qoldaýy men kómegi óte kóp boldy. Áieldiń áielge tirek bola alatynyna kózim jetti. Alǵashynda ara-qatynasymyz jumys pen shyǵarmashylyq aiasynda bastaldy, keiin birge turýǵa sheshim qabyldadyq», – deidi ol.
Nazira Baqaevanyń aitýynsha, qazirgi tańda olar «Boston nekesi» formatynda ómir súrýde.
Anyqtama retinde aita keteiik, «Boston nekesi» – eki áieldiń resmi nekege turmai, romantikalyq nemese jynystyq qarym-qatynassyz, bir shańyraq astynda turyp, bir-birine emotsionaldyq, turmystyq jáne qarjylyq qoldaý kórsetý úlgisi.
Eske salsaq, Nazira Baqaeva – bes balanyń anasy, tanymal rejisser Aqan Sataevtyń burynǵy jubaiy ári aktrisa.
