Qazaqstan Prezidenti Nursultan Nazarbaevqa Tokai ýniversiteti injenerlik ǵylymdarynyń qurmetti doktory ataǵy saltanatty jaǵdaida tabys etildi, dep habarlaidy QazAqparat tilshisi Tokiodan.
«Biz Qazaqstan Respýblikasynyń Prezidentine ýniversitetimizdiń bilim berý qyzmetin jete túsinip, zor úles qosqany úshin shynaiy rizashylyǵyzdy bildirgimiz keledi. Uly mártebeli Nursultan Nazarbaevqa Tokai ýniversiteti injenerlik ǵylymdarynyń qurmetti doktory ataǵyn tabys etemiz», - dedi saltanatty shara barysynda Tokai ýniversitetiniń rektory Iamada Kiesi.
Osydan keiin ol Elbasyna qurmetti doktor diplomy men estelik tósbelgini tabys etti.
Aita keteiik, Tokai ýniversiteti Aviatsiia ǵylymdary kolledjiniń bazasynda qurylǵan bolatyn. Qazirgi ýaqytta ol Japoniiadaǵy eń iri kópbeiindi joǵary oqý oryndarynyń biri sanalady. Ýniversitet óziniń tiimdi úzdiksiz bilim berý júiesimen erekshelenedi. Onyń quramyna 4 balabaqsha, 22 jalpy bilim beretin mektep, 2 kolledj jáne joǵary oqý oryndary kiredi. Tokioda jáne eldiń birqatar óńirinde 8 ýniversitettiń kampýsy bar. Onda bakalavriattyń 77 jáne magistratýranyń 34 baǵyty boiynsha 30 myńnan astam stýdent bilim alýda. Onyń 738-i sheteldik stýdentter. Qazirgi ýaqytta Tokai ýniversitetinde «Bolashaq» baǵdarlamasy boiynsha 5 magistrant pen 1 doktorant bilim alýda. Jalpy bul bilim ordasyn 16 qazaqstandyq tehnikalyq jáne injenerlik mamandyqtar boiynsha bitirgen edi.
Bul joǵary oqý orny Japoniianyń injenerlik ǵylym, fizika, himiia, aqparattyq tehnologiialar, meditsina, robot tehnikasy, nanotehnologiia, ómir týraly ǵylym, energetika syndy salalarynda joǵary nátijege ie.
1978 jyldan beri Tokai ýniversiteti túrli qyzmet salasyndaǵy tamasha jetistikterdi úshin qurmetti doktor ataǵyn berip keledi. Osy ýaqytqa deiin bul ataqty 34 adam alǵan, olardyń beseýi shet memleketterdiń basshylary men úkimet basshylary.
.jpeg)