Dariǵa Nazarbaevanyń tóraǵalyǵymen ótken Parlament Senaty Biýrosynyń otyrysynda Palatanyń 30 mamyrda bolatyn otyrysynyń kún tártibi belgilendi, dep habarlaidy "Ult aqparat" Senattyń baspasóz qyzmetine silteme jasap.
«Qazaqstan Respýblikasynyń Tuńǵysh Prezidenti – Elbasyna Qazaqstan memlekettiliginiń negizin qalaýshy retinde, Konstitýtsiiany, adam men azamattyń quqyqtary men bostandyqtaryn qorǵaýdy, qoǵamdy toptastyrýdy qamtamasyz etýdegi, el damýynyń strategiialyq baǵytyn aiqyndaǵan tarihi eńbeginiń moiyndalýynyń kórinisi «Qurmetti Senator» mártebesiniń berilýi bolyp tabylady» delingen habarlamada.
Baspasóz ókilderiniń habarlaýynsha, Qazaqstan Respýblikasynyń demokratiialyq, zaiyrly, quqyqtyq jáne áleýmettik memleket retinde konstitýtsiialyq-quqyqtyq negizderin qalyptastyrýǵa, sondai-aq otandyq parlamentarizmniń qalyptasýy men damýyna zor úles qosqany úshin Qazaqstan Respýblikasynyń Tuńǵysh Prezidenti – Elbasyna «Qurmetti Senator» mártebesi beriledi.
Biýro músheleri Memleket basshysy Q.Toqaevtyń bul bastamasyna biraýyzdan qoldaý bildirgen.
«Elbasynyń basqarýymen táýelsizdik kezindegi Qazaqstannyń jetken jetistikteri Elbasynyń osy bastaǵan jolynyń da, baǵytynyń da durystyǵyn kórsetedi. Elbasy Senat jumysyna ár ýaqytta tereń mán berdi, Senat jumysynyń yńǵaily bolýyna barlyq múmkindikti jasap otyrdy. Senat ómiri Elbasynyń qoiyp otyrǵan barlyq maqsattarymen tikelei tyǵyz bailanysty bolyp kele jatyr», - deidi Tóraǵa orynbasary B.Beknazarov.
«Bizdiń qazirgi Konstitýtsiiamyz da, sol Konstitýtsiia boiynsha jumys istep jatqan qos Palatanyń qyzmeti de Elbasynyń úlken bastamasynyń, avtorlyǵynyń arqasynda júzege asty. 1995 jylǵy Konstitýtsiiamyz postkeńestik elder ishinde birinshi ret qos Palataly Parlament jasaqtaýǵa múmkindik berdi. Sonyń negizinde Senattyń alǵashqy kúninen búginge deiingi jumysy Elbasynyń tikelei qamqorlyǵymen, basshylyǵymen júzege asyp kele jatyr dep biz nyq senimmen aita alamyz. Elbasy memleket qalyptastyrýshy, Táýelsiz Qazaqstannyń negizin salýshy tulǵa ǵana emes, qos Palataly parlamentarizmniń de negizin salǵan qairatker. Sondyqtan Qasym-Jomart Kemelulynyń bul usynysyn biz qoldaimyz jáne ábden oryndy dep esepteimiz», - deidi M.Qul-Muhammed.
Senator B.Áitimova Elbasynyń Senat otyrystarynda sóz sóilep, kez-kelgen taqyryptar boiynsha usynystar aitý, elimizdiń barlyq azamattary men memlekettik institýttardyń tynys-tirshiligi týraly óz oilaryn ortaǵa salý múmkindikteriniń mańyzdy ekenin atap ótti.
«Men bul máseleni tolyq qoldaimyn, óitkeni ol Elbasynyń memleketimizdiń qalyptasýy men damýyna qosqan zor úlesiniń myzǵymastyǵy bekitilgen Qazaqstan Respýblikasynyń Konstitýtsiiasyna sáikes keledi», - deidi senator G. Kim.
«Qurmetti Senator» mártebesin berý týraly sheshim Qazaqstan Respýblikasy Parlamenti Senatynyń Palata otyrysynda qabyldanady.
Biýroda 30 mamyrda ótetin Palata otyrysynyń kún tártibi belgilendi. Senatorlar halyqaralyq eki qujatty: Bir taraptan Eýraziialyq ekonomikalyq odaq pen oǵan múshe memleketter jáne ekinshi taraptan Qytai Halyq Respýblikasy arasyndaǵy saýda-ekonomikalyq yntymaqtastyq týraly kelisimdi; Qazaqstan Respýblikasy men Litva Respýblikasy arasyndaǵy bas bostandyǵynan aiyrýǵa sottalǵan adamdardy jáne meditsinalyq sipattaǵy májbúrleý sharalary qoldanylǵan adamdardy berý týraly shartty qaraityn bolady.
Senatorlar biýroda sondai-aq Qazaqstan Respýblikasy Parlamenti Senatynyń 2019 jylǵa arnalǵan Negizgi is-sharalar josparyna ózgerister men tolyqtyrýlar engizý týraly máseleni qarady.
