داريعا نازارباەۆانىڭ تٶراعالىعىمەن ٶتكەن پارلامەنت سەناتى بيۋروسىنىڭ وتىرىسىندا پالاتانىڭ 30 مامىردا بولاتىن وتىرىسىنىڭ كٷن تەرتٸبٸ بەلگٸلەندٸ, دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
«قازاقستان رەسپۋبليكاسىنىڭ تۇڭعىش پرەزيدەنتٸ – ەلباسىنا قازاقستان مەملەكەتتٸلٸگٸنٸڭ نەگٸزٸن قالاۋشى رەتٸندە, كونستيتۋتسييانى, ادام مەن ازاماتتىڭ قۇقىقتارى مەن بوستاندىقتارىن قورعاۋدى, قوعامدى توپتاستىرۋدى قامتاماسىز ەتۋدەگٸ, ەل دامۋىنىڭ ستراتەگييالىق باعىتىن ايقىنداعان تاريحي ەڭبەگٸنٸڭ مويىندالۋىنىڭ كٶرٸنٸسٸ «قۇرمەتتٸ سەناتور» مەرتەبەسٸنٸڭ بەرٸلۋٸ بولىپ تابىلادى» دەلٸنگەن حابارلامادا.
باسپاسٶز ٶكٸلدەرٸنٸڭ حابارلاۋىنشا, قازاقستان رەسپۋبليكاسىنىڭ دەموكراتييالىق, زايىرلى, قۇقىقتىق جەنە ەلەۋمەتتٸك مەملەكەت رەتٸندە كونستيتۋتسييالىق-قۇقىقتىق نەگٸزدەرٸن قالىپتاستىرۋعا, سونداي-اق وتاندىق پارلامەنتاريزمنٸڭ قالىپتاسۋى مەن دامۋىنا زور ٷلەس قوسقانى ٷشٸن قازاقستان رەسپۋبليكاسىنىڭ تۇڭعىش پرەزيدەنتٸ – ەلباسىنا «قۇرمەتتٸ سەناتور» مەرتەبەسٸ بەرٸلەدٸ.
بيۋرو مٷشەلەرٸ مەملەكەت باسشىسى ق.توقاەۆتىڭ بۇل باستاماسىنا بٸراۋىزدان قولداۋ بٸلدٸرگەن.
«ەلباسىنىڭ باسقارۋىمەن تەۋەلسٸزدٸك كەزٸندەگٸ قازاقستاننىڭ جەتكەن جەتٸستٸكتەرٸ ەلباسىنىڭ وسى باستاعان جولىنىڭ دا, باعىتىنىڭ دا دۇرىستىعىن كٶرسەتەدٸ. ەلباسى سەنات جۇمىسىنا ەر ۋاقىتتا تەرەڭ مەن بەردٸ, سەنات جۇمىسىنىڭ ىڭعايلى بولۋىنا بارلىق مٷمكٸندٸكتٸ جاساپ وتىردى. سەنات ٶمٸرٸ ەلباسىنىڭ قويىپ وتىرعان بارلىق ماقساتتارىمەن تٸكەلەي تىعىز بايلانىستى بولىپ كەلە جاتىر», - دەيدٸ تٶراعا ورىنباسارى ب.بەكنازاروۆ.
«بٸزدٸڭ قازٸرگٸ كونستيتۋتسييامىز دا, سول كونستيتۋتسييا بويىنشا جۇمىس ٸستەپ جاتقان قوس پالاتانىڭ قىزمەتٸ دە ەلباسىنىڭ ٷلكەن باستاماسىنىڭ, اۆتورلىعىنىڭ ارقاسىندا جٷزەگە استى. 1995 جىلعى كونستيتۋتسييامىز پوستكەڭەستٸك ەلدەر ٸشٸندە بٸرٸنشٸ رەت قوس پالاتالى پارلامەنت جاساقتاۋعا مٷمكٸندٸك بەردٸ. سونىڭ نەگٸزٸندە سەناتتىڭ العاشقى كٷنٸنەن بٷگٸنگە دەيٸنگٸ جۇمىسى ەلباسىنىڭ تٸكەلەي قامقورلىعىمەن, باسشىلىعىمەن جٷزەگە اسىپ كەلە جاتىر دەپ بٸز نىق سەنٸممەن ايتا الامىز. ەلباسى مەملەكەت قالىپتاستىرۋشى, تەۋەلسٸز قازاقستاننىڭ نەگٸزٸن سالۋشى تۇلعا عانا ەمەس, قوس پالاتالى پارلامەنتاريزمنٸڭ دە نەگٸزٸن سالعان قايراتكەر. سوندىقتان قاسىم-جومارت كەمەلۇلىنىڭ بۇل ۇسىنىسىن بٸز قولدايمىز جەنە ەبدەن ورىندى دەپ ەسەپتەيمٸز», - دەيدٸ م.قۇل-مۇحاممەد.
سەناتور ب.ەيتٸموۆا ەلباسىنىڭ سەنات وتىرىستارىندا سٶز سٶيلەپ, كەز-كەلگەن تاقىرىپتار بويىنشا ۇسىنىستار ايتۋ, ەلٸمٸزدٸڭ بارلىق ازاماتتارى مەن مەملەكەتتٸك ينستيتۋتتاردىڭ تىنىس-تٸرشٸلٸگٸ تۋرالى ٶز ويلارىن ورتاعا سالۋ مٷمكٸندٸكتەرٸنٸڭ ماڭىزدى ەكەنٸن اتاپ ٶتتٸ.
«مەن بۇل مەسەلەنٸ تولىق قولدايمىن, ٶيتكەنٸ ول ەلباسىنىڭ مەملەكەتٸمٸزدٸڭ قالىپتاسۋى مەن دامۋىنا قوسقان زور ٷلەسٸنٸڭ مىزعىماستىعى بەكٸتٸلگەن قازاقستان رەسپۋبليكاسىنىڭ كونستيتۋتسيياسىنا سەيكەس كەلەدٸ», - دەيدٸ سەناتور گ. كيم.
«قۇرمەتتٸ سەناتور» مەرتەبەسٸن بەرۋ تۋرالى شەشٸم قازاقستان رەسپۋبليكاسى پارلامەنتٸ سەناتىنىڭ پالاتا وتىرىسىندا قابىلدانادى.
بيۋرودا 30 مامىردا ٶتەتٸن پالاتا وتىرىسىنىڭ كٷن تەرتٸبٸ بەلگٸلەندٸ. سەناتورلار حالىقارالىق ەكٸ قۇجاتتى: بٸر تاراپتان ەۋرازييالىق ەكونوميكالىق وداق پەن وعان مٷشە مەملەكەتتەر جەنە ەكٸنشٸ تاراپتان قىتاي حالىق رەسپۋبليكاسى اراسىنداعى ساۋدا-ەكونوميكالىق ىنتىماقتاستىق تۋرالى كەلٸسٸمدٸ; قازاقستان رەسپۋبليكاسى مەن ليتۆا رەسپۋبليكاسى اراسىنداعى باس بوستاندىعىنان ايىرۋعا سوتتالعان ادامداردى جەنە مەديتسينالىق سيپاتتاعى مەجبٷرلەۋ شارالارى قولدانىلعان ادامداردى بەرۋ تۋرالى شارتتى قارايتىن بولادى.
سەناتورلار بيۋرودا سونداي-اق قازاقستان رەسپۋبليكاسى پارلامەنتٸ سەناتىنىڭ 2019 جىلعا ارنالعان نەگٸزگٸ ٸس-شارالار جوسپارىنا ٶزگەرٸستەر مەن تولىقتىرۋلار ەنگٸزۋ تۋرالى مەسەلەنٸ قارادى.
