Qazaqstan Prezidenti Qasym-Jomart Toqaev Nursultan Nazarbaevqa "Halyq qaharmany" ataǵyn berip, "Altyn Juldyz" belgisin tabystady, dep habarlaidy "Ult aqparat".
"Meniń Qazaqstan Respýblikasynyń Prezidenti laýazymyndaǵy birinshi sheshimim – «Qazaqstan Respýblikasynyń Tuńǵysh Prezidenti – Elbasy týraly» Konstitýtsiialyq Zańǵa jáne «Memlekettik nagradalar týraly» Zańǵa sáikes táýelsiz Qazaqstandy ornatýǵa qosqan tarihi úlesi, ekonomikalyq jáne áleýmettik-gýmanitarlyq damýǵa, Qazaqstan qoǵamyn toptastyrýǵa sińirgen asa zor eńbegi úshin Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevqa Airyqsha erekshelik belgisi – «Altyn juldyz» ordenin tapsyra otyryp, «Halyq qaharmany» ataǵyn beremin", - dedi Toqaev.
Osydan keiin ol Nazarbaevtyń keýdesine "Altyn Juldyzdy" taqty.
Sonymen qatar, Toqaev Astanany Nursultan dep ataýdy jáne Tuńǵysh Prezidentke arnap eskertkish salýdy, Qazaqstan qalalarynyń ortalyq kóshelerine onyń esimin berýdi usyndy.
