Nursultan Nazarbaev zymyran-ǵarysh tehnikasy mýzeiiniń ashyq ekspozitsiiasyn aralap kórdi, - dep habarlaidy "Ult aqparat" Aqordaǵa silteme jasap.
Memleket basshysy "Óńirlerdiń Astanaǵa tartýy" jobasy aiasynda Qyzylorda oblysy salǵan zymyran-ǵarysh tehnikasy mýzeiiniń ashyq ekspozitsiiasyn aralap kórdi.
Qazaqstan Prezidenti ekspozitsiia aýmaǵynda Qyzylorda oblysynyń jurtshylyq ókilderimen áńgimelesti. Elbasyǵa ǵarysh apparattaryn qurastyrý-synaý kesheniniń múmkindikteri tanystyryldy.
Memleket basshysy ǵylym men jańa tehnologiialardy damytý isindegi ǵarysh ónerkásibiniń mańyzdylyǵyn atap ótti.
"Meniń tapsyrmam boiynsha frantsýz tarapymen birlesip, jasandy jer serigin qurastyratyn zaýytty iske qostyq. Jýyrda ózimizdiń jer serikterimizdi qurastyrýǵa kirisemiz. Bizde zymyran ushyratyn qurylǵy bar, 2022 jylǵa qarai "Zenit" zymyrany daiyn bolady. Osylaisha, ǵarysh ónerkásibimiz jańa tehnologiialyq deńgeige kóterilip, Qazaqstan tolyqqandy ǵarysh derjavasyna ainalatyn bolady", - dedi Nursultan Nazarbaev.
Mýzei "Qazaqstan Ǵarysh Sapary" ulttyq ǵarysh ortalyǵynyń aýmaǵynda ornalasqan. Astananyń 20 jyldyǵyna syiǵa tartylǵan zymyran-ǵarysh tehnikasy mýzeiiniń ashyq ekspozitsiiasynda "Soiýz", "Proton", "Zenit" zymyran tasyǵyshtarynyń, sondai-aq "Boran" orbita kemesiniń úlgileri qoiylǵan.
.jpeg)