نۇرسۇلتان نازارباەۆ زىمىران-عارىش تەحنيكاسى مۋزەيٸنٸڭ اشىق ەكسپوزيتسيياسىن ارالاپ كٶردٸ, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى "ٶڭٸرلەردٸڭ استاناعا تارتۋى" جوباسى اياسىندا قىزىلوردا وبلىسى سالعان زىمىران-عارىش تەحنيكاسى مۋزەيٸنٸڭ اشىق ەكسپوزيتسيياسىن ارالاپ كٶردٸ.
قازاقستان پرەزيدەنتٸ ەكسپوزيتسييا اۋماعىندا قىزىلوردا وبلىسىنىڭ جۇرتشىلىق ٶكٸلدەرٸمەن ەڭگٸمەلەستٸ. ەلباسىعا عارىش اپپاراتتارىن قۇراستىرۋ-سىناۋ كەشەنٸنٸڭ مٷمكٸندٸكتەرٸ تانىستىرىلدى.
مەملەكەت باسشىسى عىلىم مەن جاڭا تەحنولوگييالاردى دامىتۋ ٸسٸندەگٸ عارىش ٶنەركەسٸبٸنٸڭ ماڭىزدىلىعىن اتاپ ٶتتٸ.
"مەنٸڭ تاپسىرمام بويىنشا فرانتسۋز تاراپىمەن بٸرلەسٸپ, جاساندى جەر سەرٸگٸن قۇراستىراتىن زاۋىتتى ٸسكە قوستىق. جۋىردا ٶزٸمٸزدٸڭ جەر سەرٸكتەرٸمٸزدٸ قۇراستىرۋعا كٸرٸسەمٸز. بٸزدە زىمىران ۇشىراتىن قۇرىلعى بار, 2022 جىلعا قاراي "زەنيت" زىمىرانى دايىن بولادى. وسىلايشا, عارىش ٶنەركەسٸبٸمٸز جاڭا تەحنولوگييالىق دەڭگەيگە كٶتەرٸلٸپ, قازاقستان تولىققاندى عارىش دەرجاۆاسىنا اينالاتىن بولادى", - دەدٸ نۇرسۇلتان نازارباەۆ.
مۋزەي "قازاقستان عارىش ساپارى" ۇلتتىق عارىش ورتالىعىنىڭ اۋماعىندا ورنالاسقان. استانانىڭ 20 جىلدىعىنا سىيعا تارتىلعان زىمىران-عارىش تەحنيكاسى مۋزەيٸنٸڭ اشىق ەكسپوزيتسيياسىندا "سويۋز", "پروتون", "زەنيت" زىمىران تاسىعىشتارىنىڭ, سونداي-اق "بوران" وربيتا كەمەسٸنٸڭ ٷلگٸلەرٸ قويىلعان.
.jpeg)