Búgin Aqordada Qazaqstan halqyna kezekti Joldaýyn jariialaǵan Elbasy Nursultan Nazarbaev Úkimette jáne memlekettik organdarda jinalystardyń kóbeiip ketkenin synady, dep habarlady "Ult aqparat".
«Sońǵy ýaqytta uzaqqa sozylatyn Úkimette jáne memlekettik organdarda otyrystar, jiyndar eselenip, qaǵazbastylyq ketti. Men kelisip, Jarlyqqa qol qoidym. Seisenbi Úkimet otyrysy, dúisenbi ózim qabyldaimyn. Beiseni Parlament otyrysy»,- dep atap ótti Elbasy.
Osy rette Memleket basshysy QR Prezidenti Keńsesiniń basshysy Mahmud Qasymbekovten bul máseleniń baqylaýda ma ekendigin surady.
«Nursultan Ábishuly, jylyna 2380 saǵat jinalys bolady eken. Bul 100 táýlikti quraidy. Sonda bizdiń ministrler, qyzmetkerler jylyna 100 táýlik jinalysta otyrady eken. Al qaǵazbastylyq azaiyp keledi. Jinalystar azaimai otyr. Kóbine senbi, jeksenbi kúnderi de jinalys ótip jatyr», - dedi Qasymbekov.
Qazaqstan Prezidenti ministrler men qyzmetkerlerdiń jylyna 100 táýlik jinalysta otyratyndyǵyna ashýlandy.
«Sizder adamǵa jumys isteýge múmkindik bermeisińder ǵoi. Men Jarlyqqa qol qoidym. Úkimetke seisenbi kúni baryńdar, boldy, odan keiin barmańdar. Tańerteń otyrys, tústen keiin kezdesýler. Ministrler, olardyń orynbasarlary, ákimder, olardyń orynbasarlary únemi osy jerde júredi. Meniń memlekettik jumysta mol tájiribem bar. Daiyndalǵan otyrys 30 minýt, kúrdeli máselelerge qatysty bir saǵat ótýi múmkin. Memlekettik qyzmetshiler zańǵa sáikes 7 saǵat jumys isteýi tiis. Qyzmetkerler túngi 12-ge deiin otyrmaýlary qajet», - dedi Memleket basshysy.
