بٷگٸن اقوردادا قازاقستان حالقىنا كەزەكتٸ جولداۋىن جارييالاعان ەلباسى نۇرسۇلتان نازارباەۆ ٷكٸمەتتە جەنە مەملەكەتتٸك ورگانداردا جينالىستاردىڭ كٶبەيٸپ كەتكەنٸن سىنادى, دەپ حابارلادى "ۇلت اقپارات".
«سوڭعى ۋاقىتتا ۇزاققا سوزىلاتىن ٷكٸمەتتە جەنە مەملەكەتتٸك ورگانداردا وتىرىستار, جيىندار ەسەلەنٸپ, قاعازباستىلىق كەتتٸ. مەن كەلٸسٸپ, جارلىققا قول قويدىم. سەيسەنبٸ ٷكٸمەت وتىرىسى, دٷيسەنبٸ ٶزٸم قابىلدايمىن. بەيسەنٸ پارلامەنت وتىرىسى»,- دەپ اتاپ ٶتتٸ ەلباسى.
وسى رەتتە مەملەكەت باسشىسى قر پرەزيدەنتٸ كەڭسەسٸنٸڭ باسشىسى ماحمۇد قاسىمبەكوۆتەن بۇل مەسەلەنٸڭ باقىلاۋدا ما ەكەندٸگٸن سۇرادى.
«نۇرسۇلتان ەبٸشۇلى, جىلىنا 2380 ساعات جينالىس بولادى ەكەن. بۇل 100 تەۋلٸكتٸ قۇرايدى. سوندا بٸزدٸڭ مينيسترلەر, قىزمەتكەرلەر جىلىنا 100 تەۋلٸك جينالىستا وتىرادى ەكەن. ال قاعازباستىلىق ازايىپ كەلەدٸ. جينالىستار ازايماي وتىر. كٶبٸنە سەنبٸ, جەكسەنبٸ كٷندەرٸ دە جينالىس ٶتٸپ جاتىر», - دەدٸ قاسىمبەكوۆ.
قازاقستان پرەزيدەنتٸ مينيسترلەر مەن قىزمەتكەرلەردٸڭ جىلىنا 100 تەۋلٸك جينالىستا وتىراتىندىعىنا اشۋلاندى.
«سٸزدەر ادامعا جۇمىس ٸستەۋگە مٷمكٸندٸك بەرمەيسٸڭدەر عوي. مەن جارلىققا قول قويدىم. ٷكٸمەتكە سەيسەنبٸ كٷنٸ بارىڭدار, بولدى, ودان كەيٸن بارماڭدار. تاڭەرتەڭ وتىرىس, تٷستەن كەيٸن كەزدەسۋلەر. مينيسترلەر, ولاردىڭ ورىنباسارلارى, ەكٸمدەر, ولاردىڭ ورىنباسارلارى ٷنەمٸ وسى جەردە جٷرەدٸ. مەنٸڭ مەملەكەتتٸك جۇمىستا مول تەجٸريبەم بار. دايىندالعان وتىرىس 30 مينۋت, كٷردەلٸ مەسەلەلەرگە قاتىستى بٸر ساعات ٶتۋٸ مٷمكٸن. مەملەكەتتٸك قىزمەتشٸلەر زاڭعا سەيكەس 7 ساعات جۇمىس ٸستەۋٸ تيٸس. قىزمەتكەرلەر تٷنگٸ 12-گە دەيٸن وتىرماۋلارى قاجەت», - دەدٸ مەملەكەت باسشىسى.
