- Respýblikalyq jastar forýmynda Elbasy Nursultan Nazarbaev jastardy kásip ashý barysynda Bill Geits pen Uber qosymshasyn jasaýshylardan úlgi alýǵa shaqyrdy, dep habarlaidy Ult.kz tilshisi QazAqparat agenttigine silteme jasap.
«Bill Geitstiń óz kompaniiasyn garajda jasaǵanyn bilemiz jáne qazirgi ýaqytta onyń transulttyq kompaniiasy bar. Sizder Uber kompaniiasyn da bilesizder. Garajy da, stansasy da, avtomobilderi de joq. Al biraq, tasymalmen ainalysady. Telefonmen qońyraý shalasyz jáne eki minýttyń ishinde mashina daiyn. Barar jerińizge jetken soń, bosatasyz. Biz mashina satyp alamyz. Statistikalyq esepteýlerge sáikes ony kúnine 4 saǵat paidalanady ekenbiz. Al urlap ketpesin, soǵyp ketpesin degen ýaiymy, kútý, janarmai quiý, jóndeý syndy shyǵyny qanshama. Al myna jerde eshteńeniń de qajeti joq. Bul tehnologiiany engizýge bailanysty avtomobil shyǵarý qysqaratyndyǵy kútilýge. Mundai mysaldar óte kóp», - dedi Elbasy.
Memleket basshysy elimizde «Biznestiń jol kartasy - 2020» baǵdarlamasy aiasynda jastar kásipkerligine qoldaý kórsetý úshin basa nazar aýdarylyp otyrǵanyn atap ótti. Tek birinshi jartyjyldyqta ǵana memleket jastardyń 55 jobasyn qoldaǵan».
«Bizdiń mindetimiz - shaǵyn jáne orta biznestiń ekonomikadaǵy ónimniń jartysynan kóbin shyǵarýy. Sonda memleket turaqty bolady. Barlyq ýaqytta da oilaý qajet. Mundaidy oilap shyǵarǵandardan biz kembiz be? Ikemdi biznes ekonomikalyq qubylmalyqtan barynsha az zardap shegedi», - dedi Nazarbaev.
.jpeg)