Nazarbaev: Jaqtastarym birdeńeni durys jasai almaǵan bolsa, munda olardyń kinási joq

Qazaqstan Perzidenti halyq pen jaqtastaryna Táýelsizdiktiń 25 jylynda atqarylǵan ister úshin alǵysyn bildirdi, - dep habarlaidy "Ult aqparat".

"Birinshiden, halyqty biriktirmei, ony ertpei, mundai jetistikterge jete almaisyń. Men osyndai 25 jyldyqty, osyndai merekeni jasaǵan halyqqa rizamyn. Ekinshiden, osynsha jyldar birge istegen, menimen birge memlekettik qyzmette, paramentte depýtat bolyp, úkimette birge is atqarǵan jaqtastaryma alǵysymdy bildiremin. Basqa júieden kelip, tolyqtai isti túsine almaǵandar kóp boldy. Biraq, olar birdeńeni durys jasai almaǵan bolsa, munda olardyń kinási joq. Biz bárimiz qaida bararymyzdy, qalai aiaq alyp, qai baǵytpen júrerimizdi bilmedik. Birge jumys atqarǵandardyń barlyǵyna alǵys bildiremin. Tabys pen myqty densaýlyq tileimin", - dedi Nazarbaev Táýelsizdiktiń 25 jyldyǵyna arnalǵan merekelik jiynda. 

Shara barysynda Elbasy balanyń dúniege kelýine bailanysty beriletin járdemaqy men zeinetaqyny kóterýdi, bilikti qaita úlestirýdi tapsyrdy. Sonymen birge, Gennadii Zenchenkonyń eki haty týraly aityp berdi.