Nursultan Nazarbaev Ýkraina Prezidenti Vladimir Zelenskiimen kezdesti, dep habarlaidy "Ult aqparat".
Kezdesý barysynda Elbasy Vladimir Zelenskiidi Ýkrainanyń Prezident sailaýyndaǵy jeńisimen quttyqtady.
– Ýkrainanyń jańalyqtaryn kúndelikti qadaǵalap otyramyn. Men úshin sizdiń elińizdiń orny erekshe. Bul kezinde Ýkrainada eki jyl oqyǵanym úshin ǵana emes. Táýelsizdiktiń alǵashqy kúnderinen bastap Ýkraina prezidentterimen jaqyn tanys boldym, – dedi Qazaqstannyń Tuńǵysh Prezidenti.
Sonymen birge, Nursultan Nazarbaev Ýkrainadaǵy oqiǵalarǵa óz alańdaýshylyǵyn bildirdi.
Elbasy Ýkrainanyń ońtústik-shyǵysyndaǵy qaqtyǵysty beibit jolmen sheshýdiń mańyzdylyǵyn atap ótti.
– Siz sailaýda halyqtyń úlken senimine ie boldyńyz. Prezidentterdiń ishinde alǵashqy bolyp zor senimmen, 70 paiyzdan astam daýyspen jeńiske jettińiz. Qalaǵan dúnielerińizdi iske asyrýǵa qazir mol múmkindigińiz bar. Osy jolda sizge tabys tileimin, – dedi Elbasy.
Óz kezeginde, Vladimir Zelenskii Ýkrainanyń Qazaqstan Respýblikasyn keń aýqymdy máseleler boiynsha árdaiym qoldaǵanyn atap ótti.
Kelissózder barysynda, V.Zelenskii Qazaqstan Prezidenti Q.Toqaevpen Niý-Iork qalasynda kezdeskenin aita kele Elbasyny Ýkrainaǵa shaqyrdy.
«Niý-Iorkte Qasym-Jomart Toqaev myrzamen tanysýǵa múmkindigim boldy. Bizge, Ýkrainaǵa, saparmen kelýge shaqyrdym. Siz de Ýkrainada san márte bolǵan edińiz. Osy múmkindikti paidalanyp ózińizdi Ýkrainaǵa saparmen kelýge shaqyramyn», - dedi Zelenskii.
Sonymen qatar, taraptar eki el arasyndaǵy saýda-sattyqty arttyryp, qatynastardy nyǵaitý máselelerin talqylady.
