نۇرسۇلتان نازارباەۆ ۋكراينا پرەزيدەنتٸ ۆلاديمير زەلەنسكييمەن كەزدەستٸ, دەپ حابارلايدى "ۇلت اقپارات".
كەزدەسۋ بارىسىندا ەلباسى ۆلاديمير زەلەنسكييدٸ ۋكراينانىڭ پرەزيدەنت سايلاۋىنداعى جەڭٸسٸمەن قۇتتىقتادى.
– ۋكراينانىڭ جاڭالىقتارىن كٷندەلٸكتٸ قاداعالاپ وتىرامىن. مەن ٷشٸن سٸزدٸڭ ەلٸڭٸزدٸڭ ورنى ەرەكشە. بۇل كەزٸندە ۋكراينادا ەكٸ جىل وقىعانىم ٷشٸن عانا ەمەس. تەۋەلسٸزدٸكتٸڭ العاشقى كٷندەرٸنەن باستاپ ۋكراينا پرەزيدەنتتەرٸمەن جاقىن تانىس بولدىم, – دەدٸ قازاقستاننىڭ تۇڭعىش پرەزيدەنتٸ.
سونىمەن بٸرگە, نۇرسۇلتان نازارباەۆ ۋكرايناداعى وقيعالارعا ٶز الاڭداۋشىلىعىن بٸلدٸردٸ.
ەلباسى ۋكراينانىڭ وڭتٷستٸك-شىعىسىنداعى قاقتىعىستى بەيبٸت جولمەن شەشۋدٸڭ ماڭىزدىلىعىن اتاپ ٶتتٸ.
– سٸز سايلاۋدا حالىقتىڭ ٷلكەن سەنٸمٸنە يە بولدىڭىز. پرەزيدەنتتەردٸڭ ٸشٸندە العاشقى بولىپ زور سەنٸممەن, 70 پايىزدان استام داۋىسپەن جەڭٸسكە جەتتٸڭٸز. قالاعان دٷنيەلەرٸڭٸزدٸ ٸسكە اسىرۋعا قازٸر مول مٷمكٸندٸگٸڭٸز بار. وسى جولدا سٸزگە تابىس تٸلەيمٸن, – دەدٸ ەلباسى.
ٶز كەزەگٸندە, ۆلاديمير زەلەنسكيي ۋكراينانىڭ قازاقستان رەسپۋبليكاسىن كەڭ اۋقىمدى مەسەلەلەر بويىنشا ەردايىم قولداعانىن اتاپ ٶتتٸ.
كەلٸسسٶزدەر بارىسىندا, ۆ.زەلەنسكيي قازاقستان پرەزيدەنتٸ ق.توقاەۆپەن نيۋ-يورك قالاسىندا كەزدەسكەنٸن ايتا كەلە ەلباسىنى ۋكرايناعا شاقىردى.
«نيۋ-يوركتە قاسىم-جومارت توقاەۆ مىرزامەن تانىسۋعا مٷمكٸندٸگٸم بولدى. بٸزگە, ۋكرايناعا, ساپارمەن كەلۋگە شاقىردىم. سٸز دە ۋكراينادا سان مەرتە بولعان ەدٸڭٸز. وسى مٷمكٸندٸكتٸ پايدالانىپ ٶزٸڭٸزدٸ ۋكرايناعا ساپارمەن كەلۋگە شاقىرامىن», - دەدٸ زەلەنسكيي.
سونىمەن قاتار, تاراپتار ەكٸ ەل اراسىنداعى ساۋدا-ساتتىقتى ارتتىرىپ, قاتىناستاردى نىعايتۋ مەسەلەلەرٸن تالقىلادى.
