Nursultan Nazarbaev «Úshqońyr» sport kesheniniń ashylý rásimine qatysty, dep habarlaidy "Ult aqparat" Aqordaǵa silteme jasap.
Elbasy óńirdiń barsha turǵyndaryn «Úshqońyr» sport kesheniniń ashylýymen quttyqtap, boi kótergen nysannyń jastardy tárbieleý jáne dene shynyqtyrý isindegi mańyzyn atap ótti.
– Biz búgin aýdandaǵy biregei sport keshenin ashtyq. Deni saýdyń – jany saý. Qazirgi zamanda deni saý adam ǵana tabysqa jetedi. Sondyqtan, biz bul nysandy jastarymyz úshin arnaiy saldyq, – dedi Qazaqstannyń Tuńǵysh Prezidenti.
Nursultan Nazarbaev óńirlerde áleýmettik infraqurylymdy damytý úshin «Týǵan jer» baǵdarlamasyn júzege asyrýdyń mańyzdylyǵyna toqtaldy.
– Bizdiń balalyq shaǵymyzda sportpen shuǵyldaný úshin mundai jaǵdai bolmady. Al, qazir jastar úshin barlyq múmkindik bar. Kóptegen tabysty azamattarymyz týǵan aýyly men aýdandaryna qoldaý kórsetedi dep oilaimyn. Jańa sport kesheninde jattyǵatyndardyń arasynan bolashaq chempiondar shyǵady dep senemin. Meniń otbasym jáne jaqyndarym osy sport keshenin arnaiy sizderdiń igilikterińiz úshin saldy. Sizderge zor densaýlyq, amandyq jáne baq-bereke tileimin. Barshańyzdy taǵy da sport kesheniniń ashylýymen quttyqtaimyn! – dedi Elbasy.
Sport kesheninde boks, kúres jáne trenajer zaldary, júzý basseini, tennis korty, kópfýnktsionaldy zaldar jáne basqa da sport infraqurylymdary bar.
.jpeg)