- Qazaqstan Prezidenti Nursultan Nazarbaev Braziliia Federativtik Respýblikasynyń Prezidenti Mishel Temerge kóńil aitý jedelhatyn joldady.
Bul týraly Aqordanyń baspasóz qyzmetinen habarlady. Jedelhatta Kolýmbiia Respýblikasynyń áýe keńistiginde bolǵan ushaq apaty saldarynan Braziliia azamattarynyń qaza bolǵany týraly habardy Nursultan Nazarbaevtyń zor kúizelispen qabyldaǵany aitylǵan.
«Qaza bolǵandardyń týystary men jaqyndaryna, sondai-aq barsha Braziliia halqyna aýyr qaiǵylaryna ortaqtasyp, Qazaqstan halqynyń jáne jeke ózimniń atymnan kóńil aitamyn», - delingen jedelhatta.
Memleket basshysy zardap shekkenderdiń tezirek saýyǵyp, otbasylaryna oralýyna tilektestik bildirdi.
Ult portaly
.jpeg)