QR Tuńǵysh Prezidenti – Elbasy Nursultan Nazarbaev Úkimet, «Nur Otan» partiiasy jáne Parlament Májilisindegi partiia fraktsiiasynyń múshelerimen jinalys ótkizdi, dep habarlaidy QazAqparat.
Jinalysta «Qazaqstan – 2021: Birlik. Turaqtylyq. Jasampazdyq» sailaýaldy baǵdarlamasy men «100 naqty qadam» ult josparynyń júzege asyrylý barysy qaraldy.
Onda Premer-Ministr Asqar Mamin, Parlament Májilisiniń tóraǵasy Nurlan Nyǵmatýllin, Premer-Ministrdiń birinshi orynbasary – Qarjy ministri Álihan Smaiylov, Premer-Ministrdiń orynbasarlary Berdibek Saparbaev jáne Roman Skliar baiandama oqydy.
«Búginde partiiamyzdyń aldynda úlken mindet tur – qoǵamdy biriktirý, partiia atynan Prezidenttikke sailanǵan Qasym-Jomart Kemeluly Toqaevtyń ainalasyndaǵy elitany toptastyrý. Partiia elimizdiń basty saiasi kúshi retinde memleket damýyndaǵy strategiialyq baǵyt sabaqtastyǵyn qamtamasyz etýi tiis. Sondyqtan, Úkimet pen Fraktsiia halyqtyń naqty máselelerin birigip sheshýi qajet», - dedi Partiia tóraǵasy.
Sailaýaldy baǵdarlamanyń jáne Ult josparynyń oryndalý nátijelerin aita kele, Elbasy partiianyń qalǵan mindetterin oryndaýdaǵy syn-qaterlerge toqtaldy.
«Biz oń nátijelerge qol jetkizdik. Úsh jarym jyldyń ishinde 430 myńnan astam jumys orny quryldy, 2,7 myń shaqyrym jol salyndy. Eýraziialyq qurlyqaralyq dáliz iske qosyldy. Shaǵyn jáne orta biznestiń eldiń JIÓ-degi úlesi 28% jetti. Bir jylda Qazaqstan «Doing Business» reitinginde 8 satyǵa kóterilip, 28 orynǵa shyqty», - dedi Tuńǵysh Prezident.
Nursultan Nazarbaevtyń aitýynsha, jeńiske jetken partiianyń sailaýaldy baǵdarlamasy Úkimettiń besjyldyq qyzmetiniń negizin quraýy kerek, al Májilistegi fraktsiia músheleri yqtimal syn-qaterge ýaqytyly jaýap berip, baǵdarlamanyń oryndalýyn qadaǵalap otyrýy tiis.
«Bizdiń mindetimiz – uzaq merzimdi kóshbasshylyqty saqtaý. Partiianyń jańa sailaýaldy baǵdarlamasyn Májilis sailaýyna daiyndaý jumystary búginnen bastalýy kerek. Ol áleýmettik baǵdarlanǵan kózqarasqa negizdelip, túrli áleýmettik toptardyń múddelerin bildirýi kerek jáne adamdardyń naqty suranystaryna jaýap berýi tiis», - dedi partiia tóraǵasy.
Sonymen birge, Elbasy óńirlerdi damytý baǵdarlamalaryn júzege asyrý barysyna toqtaldy.
«Qazir bul strategiialyq baǵdarlamalar resmi túrde júzege asyrylýda. Olardyń oryndalýyna tiisti baqylaý joq. Keibir tarmaqtar múldem oryndalmaidy. Josparlanǵan kórsetkishterge únemi túzetýler engizilip turady. Sondyqtan Ulttyq ekonomika ministrligi «Nur Otan» partiiasymen jáne onyń fraktsiialarymen birlesip, atalǵan baǵdarlamalardyń oryndalýy týraly jiyn uiymdastyrýy kerek. 2025 jylǵa deiin aýmaqtardy damytýdyń jańa baǵdarlamalaryn ázirleýdi bastaý kerek», - dedi N. Nazarbaev.
Osyǵan bailanysty, Tuńǵysh Prezident 2020 jyldyń 1 naýryzyna deiin ár aýdan, qala jáne aimaq úshin aýmaqtyq damý baǵdarlamalaryn ázirleýdi aiaqtaýdy tapsyrdy.
Elbasy «Nur Otan» partiiasynyń Parlament Májilisi men máslihattardaǵy fraktsiiasynyń qazirgi jumysyna toqtalyp, «Nur Otan» partiiasynyń reitingi depýtattardyń jumysyna negizdelgenin atap ótti.
Nursultan Nazarbaev depýtattardyń aimaqtarǵa jumys sapary formatyn qaita qaraýdy jáne partiianyń qoǵamdyq qabyldaý bóliminde birinshi basshylardyń turǵyndarmen kezdesýin jandandyrýdy tapsyrdy.
«Saraptama nátijesi kórsetkendei, bizdiń partiianyń depýtattary buqaralyq aqparat quraldaryn jetkilikti paidalanbaidy. Odan bólek, «Nur Otan» fraktsiiasy halyqty tolǵandyratyn kóptegen ózekti máseleler boiynsha bastama kótermeidi. Sońǵy birneshe aida «Nur Otan» fraktsiiasynyń músheleri birde-bir rezonanstyq is boiynsha óz ustanymdaryn bildirmedi», - dedi Tuńǵysh Prezident.
.jpeg)