QR Tuńǵysh Prezidenti – Elbasy Nursultan Nazarbaev barsha qazaqstandyqty Táýelsizdigimizdiń 30 jyldyq mereitoiymen quttyqtady, dep habarlaidy QazAqparat.
«Qymbatty otandastar! Ardaqty aǵaiyn! Qadirmendi halyq! Eń asyl qundylyǵymyz - qasterli Táýelsizdigimizdiń 30 jyldyq torqaly toiymen barshańyzdy shyn júregimmen quttyqtaimyn! Qazir ǵana meniń aldymda elimizdiń Prezidenti Qasym-Jomart Kemeluly bolǵan istiń bárin aityp, barsha azamatqa óziniń tilegin, maǵynaly sózin joldady. Oǵan qosyp, bólip aitatyn sóz de joq. Barlyǵy qamtyldy. Sondyqtan qurmetti Qasym-Jomart Kemeluly, Sizge shyn júregimmen mazmundy baiandamańyz ben el basqarǵan kezdegi meniń eńbegime bergen asa joǵary baǵańyz úshin zor rizashylyǵymdy bildiremin», - dedi Elbasy Táýelsizdiktiń 30 jyldyǵyna arnalǵan saltanatty is-shara barysynda.
QR Tuńǵysh Prezidenti Táýelsizdik alǵan kezeńdegi qiyndyqtarǵa toqtalyp ótti.
«Táńirge táýbe, kózdegenimiz ben kóksegenimizge jettik. Kókten tilegenimiz, kútkenimiz boldy. Kútken esemizdi, barlyǵyn aldyq. Kemisimizdi toltyrdyq. Arýaq qoldady, ádilet ornady. Myń ólip, myń tirilgen qasietti halqymyzǵa qaita keldik. Myńjyldyqtar toǵysynda baiyrǵy memlekettiligimiz qaita jańǵyrdy», - dedi Nursultan Nazarbaev.
