قر تۇڭعىش پرەزيدەنتٸ – ەلباسى نۇرسۇلتان نازارباەۆ بارشا قازاقستاندىقتى تەۋەلسٸزدٸگٸمٸزدٸڭ 30 جىلدىق مەرەيتويىمەن قۇتتىقتادى, دەپ حابارلايدى قازاقپارات.
«قىمباتتى وتانداستار! ارداقتى اعايىن! قادٸرمەندٸ حالىق! ەڭ اسىل قۇندىلىعىمىز - قاستەرلٸ تەۋەلسٸزدٸگٸمٸزدٸڭ 30 جىلدىق تورقالى تويىمەن بارشاڭىزدى شىن جٷرەگٸممەن قۇتتىقتايمىن! قازٸر عانا مەنٸڭ الدىمدا ەلٸمٸزدٸڭ پرەزيدەنتٸ قاسىم-جومارت كەمەلۇلى بولعان ٸستٸڭ بەرٸن ايتىپ, بارشا ازاماتقا ٶزٸنٸڭ تٸلەگٸن, ماعىنالى سٶزٸن جولدادى. وعان قوسىپ, بٶلٸپ ايتاتىن سٶز دە جوق. بارلىعى قامتىلدى. سوندىقتان قۇرمەتتٸ قاسىم-جومارت كەمەلۇلى, سٸزگە شىن جٷرەگٸممەن مازمۇندى بايانداماڭىز بەن ەل باسقارعان كەزدەگٸ مەنٸڭ ەڭبەگٸمە بەرگەن اسا جوعارى باعاڭىز ٷشٸن زور ريزاشىلىعىمدى بٸلدٸرەمٸن», - دەدٸ ەلباسى تەۋەلسٸزدٸكتٸڭ 30 جىلدىعىنا ارنالعان سالتاناتتى ٸس-شارا بارىسىندا.
قر تۇڭعىش پرەزيدەنتٸ تەۋەلسٸزدٸك العان كەزەڭدەگٸ قيىندىقتارعا توقتالىپ ٶتتٸ.
«تەڭٸرگە تەۋبە, كٶزدەگەنٸمٸز بەن كٶكسەگەنٸمٸزگە جەتتٸك. كٶكتەن تٸلەگەنٸمٸز, كٷتكەنٸمٸز بولدى. كٷتكەن ەسەمٸزدٸ, بارلىعىن الدىق. كەمٸسٸمٸزدٸ تولتىردىق. ارۋاق قولدادى, ەدٸلەت ورنادى. مىڭ ٶلٸپ, مىڭ تٸرٸلگەن قاسيەتتٸ حالقىمىزعا قايتا كەلدٸك. مىڭجىلدىقتار توعىسىندا بايىرعى مەملەكەتتٸلٸگٸمٸز قايتا جاڭعىردى», - دەدٸ نۇرسۇلتان نازارباەۆ.
