QR Prezidenti Nursultan Nazarbaevtyń sirek kezdesetin metaldardy óndirý salasyna basymdyq berýdi tapsyrdy. Sonyń ishinde «aq munai» dep atalatyn litii óndirisin erekshe atap ótti, dep habarlaidy QazAqparat tilshisi.
«Búginde álem boiynsha sirek kezdesetin metaldardyń negizinde jańa tehnologiialar jasalady. Atalǵan protsess barǵan saiyn kúsheie túsedi. Sarapshylardyń aitýynsha, 2025 jyly «litii» atty sirek kezdesetin metalǵa degen suranys úsh esege artyp, álem boiynsha 550 myń tonnaǵa deiin jetedi. Sol sebepti litiidi «aq munai» dep atap ketken. Qazaqstanda sirek kezdesetin metaldardyń túr-túri bar. Litii de joq emes», - dedi Nursultan Nazarbaev Sheteldik investorlardyń búgingi otyrysynda. Osy oraida Memleket basshysy litiidi óndirý salasyna shetel investitsiialaryn salý máselesin qarastyrýdy tapsyrdy.
Aita keteiik, búgingi otyrysta Memleket basshysy Qazaqstandaǵy tabiǵi bailyqtardyń jalpy qoryn jariialap, investorlardy óz aqshalaryn el ekonomikasyna kópten salýǵa úndedi. Sondai-aq, Elbasy balamaly energetikany damytý bolashaǵy týraly aityp berdi. Al QR Investitsiialar jáne damý ministri Jeńis Qasymbek «Astana» halyqaralyq qarjy ortalyǵyn qurý boiynsha esep berdi. Onyń aitýynsha, atalǵan ortalyq kelesi jyldan bastap tolyqqandy jumys istei bastaidy.
.jpeg)