Qazaqstannyń Tuńǵysh Prezidenti Nursultan Nazarbaev Semeidegi "Abai arena" stadionyn "Elbasy arena" dep ataýǵa qarsy.
Bul týraly Elbasynyń baspasóz hatshysy Aidos Úkibai habarlady.
"Áleýmettik jeliler men BAQ-ta ShQO belsendileriniń "Abai arena" stadionynyń ataýyn ózgertý týraly usynysy talqylanýda. Elbasy árdaiym ózine qatysty mundai "qurmet-qoshemetke" qarsy. Nursultan Nazarbaevtyń pikirinshe, stadion qazaqtyń uly aqyny ári filosofynyń atynda qalýǵa tiis", - dep jazdy Úkibai Twitter-de.
Buǵan deiin Semeidegi mádeni-sport keshenine Qazaqstannyń tuńǵysh prezidenti Nursultan Nazarbaevtyń esimi berilýi múmkin ekeni habarlandy.
Belsendiler mádeni-sport keshenin el táýelsizdiginiń 30 jyldyǵyna orai jáne táýelsiz Qazaqstannyń qalyptasýyndaǵy Nazarbaevtyń rólin eskerip, "Elbasy Arena" dep ataýdy usynǵan.
Sondai-aq, Qaraǵaily jańa turǵyn aýdanyndaǵy kóshege Nursultan Nazarbaev esimin berý týraly sóz boldy.
Másele qalalyq máslihat komissiiasynda qaraldy. Oǵan onlain jáne oflain formatta 10 myńnan astam adam qatysty. Nátijesinde depýtattar biraýyzdan daýys berip, bul máseleni qalalyq máslihat sessiiasynda talqylaýdy usyndy.
