Nursultan Nazarbaev «Nur Otan» partiiasy oblystyq filialdarynyń ókilderimen kezdesti.
Otyrysqa «Nur Otan» partiiasynyń Parlament Májilisindegi Fraktsiia depýtattary, máslihat fraktsiialarynyń hatshylary men jetekshileri qatysty, dep habarlaidy "Ult aqparat" elbasy.kz saityna silteme jasap.
Kezdesý barysynda partiia tóraǵasynyń birinshi orynbasary B.Baibek jáne partiia filialdarynyń ókilderi baiandama jasady.
Baiandamashylardy tyńdaǵan soń, Elbasy «Nur Otan» partiiasynyń qalyptasýy men damýyna úles qosqan barlyq músheleriniń eńbegin atap ótti.
– «Nur Otan» bizdiń qoǵamymyzdyń alýan túrliligin kórsetedi. Biz – el bolashaǵyna jaýapty búkil Qazaqstan halqynyń partiiasymyz, naqty ister partiiasymyz. Bizde Qazaqstannyń damýyna qatysty naqty ustanym bar, tiisti strategiia men jumys josparlary bekitildi, qajetti resýrstar qarastyrylǵan, - dedi Qazaqstannyń Tuńǵysh Prezidenti.
Sonymen qatar, Partiia Tóraǵasy qoǵamdy Qazaqstan Prezidenti Qasym-Jomart Toqaevtyń tóńireginde toptastyrýdyń jáne Memleket basshysy alǵa qoiǵan mindetterdi júzege asyrý úshin sharalar qabyldaýdyń mańyzdylyǵyna toqtaldy.
Sonymen birge, Nursultan Nazarbaev Qazaqstannyń táýelsizdik jyldaryndaǵy tabystary týraly aityp, eldiń barlyq jetistikteri partiiamen jáne partiia músheleriniń kúndelikti jumysymen tyǵyz bailanysty ekenin atap ótti.
– Sońǵy jyldary Qazaqstannyń jalpy ishki ónimi 11 milliardtan 170,5 milliard dollarǵa deiin ósti. 90-jyldardyń basynda halyqtyń úshten birinen kóbi kedeilik sheginde ómir súretin. Búgin bul kórsetkish 4,6%-ǵa deiin tómendedi. Shaǵyn jáne orta biznestiń JIÓ-degi úlesi 27% quraidy. Biz 300 milliard dollardan astam tikelei sheteldik investitsiia tarttyq. Osy jyldar ishinde Qazaqstannyń tranzittik áleýetin edáýir nyǵaita aldyq, - dedi Elbasy.
Sondai-aq, Tuńǵysh Prezident Qazaqstannyń 2050 jylǵa deiingi damý strategiiasynyń negizgi basymdyqtaryn alǵa jyljytý jáne túsindirý boiynsha jumysty uiymdastyrýdyń mańyzdylyǵyna nazar aýdardy.
Nursultan Nazarbaev Úkimettiń ekonomikanyń jekelegen salalaryn odan ári damytý jónindegi josparlaryna jeke toqtaldy.
– Úkimet óńirlerdi, ásirese, aýyldardy qoldaýǵa, jańa jumys oryndaryn qurýǵa jáne áleýmettik máselelerdi sheshýge baǵyttalǵan baǵdarlamalar qabyldady. Máselen, 2026 jylǵa deiin aýyldardy qoldaýǵa 2 trillion teńgege jýyq qarajat qarastyrylyp otyr. Aldaǵy úsh jylda halyqty aýyz sýmen qamtamasyz etýge 560 milliard teńge bólý josparda bar. Osy jumystar naqty oryndalatyn bolsa, 2023 jyldyń sońyna qarai aýyldy jerlerdiń barlyǵy sapaly aýyz sýmen qamtylady, - dedi partiia Tóraǵasy.
Sonymen qatar, Elbasy shaǵyn jáne orta biznestiń el ekonomikasyndaǵy úlesin ulǵaitý boiynsha josparlanǵan sharalar men «Eńbek» baǵdarlamasyn iske asyrýdyń boljamdy nátijeleri týraly aitty.
– Aldaǵy eki jylda «Eńbek» baǵdarlamasymen shamamen 1,5 million adam qamtylyp, 750 myńnan astam jumys orny ashylady. 2020-2025 jyldary shamamen 1 million páter salynatyn bolady, - dedi Nursultan Nazarbaev.
Jiyn barysynda Qazaqstannyń Tuńǵysh Prezidenti partiianyń jergilikti jerlerde jumys tiimdiligin odan ári arttyrýdyń birqatar negizgi baǵyttaryn atady.
– Ár ákimniń jáne máslihattardaǵy fraktsiia depýtattarynyń partiialyq jaýapkershiligin túbegeili kúsheitýimiz kerek. Búgingi tańda barlyq reformalar óńirlerdi damytýǵa baǵyttalǵan. Máselen, sońǵy 10 jyldyń ishinde jergilikti biýdjetter 3 esege jýyq ósip, 4,7 trln. teńgeni qurady. Bólingen qarajattyń jumsalýyna partiialyq baqylaýdy uiymdastyrý mańyzdy. Sonymen qatar, depýtattardyń jumysyn odan ári jaqsartý jáne barlyq máslihattardyń mártebesin nyǵaitý jónindegi sharalardy qabyldaý qajet, - dedi Nursultan Nazarbaev.
Sonymen qatar, «Nur Otan» partiiasynyń Tóraǵasy ár oblysta, qalada jáne aýdanda sailaýaldy baǵdarlamalaryn daiyndaýdy qamtamasyz etýdi tapsyrdy.
– Kelesi jyly óńirlerdi damytýdyń besjyldyq baǵdarlamalaryn iske asyrý aiaqtalady. Jańa baǵdarlamalardy qabyldaý qajettiligi jańa elektoraldyq kezeńge sáikes kelip otyr. Sondyqtan bul baǵdarlamalar ár óńir boiynsha máslihat sailaýynda partiianyń sailaýaldy baǵdarlamasynyń negizine ainalýǵa tiis. «Nur Otan» partiiasynyń Májilis sailaýyndaǵy sailaýaldy baǵdarlamasyna keletin bolsaq, bul jumysty Saiasi keńes Biýrosynyń múshesi retinde Premer-Ministr basqarýy qajet. Bul baǵdarlamany qazirden bastap daiyndaýǵa kirisken jón, - dedi Qazaqstan Respýblikasynyń Tuńǵysh Prezidenti.
Sonymen birge, Elbasy sapaly partiialyq tizimderdi qalyptastyrý úshin ashyq ishki partiialyq irikteý júrgizýdiń mańyzdylyǵyna nazar aýdardy.
– Ár máslihattaǵy sailaýaldy partiialyq tizimderge keminde 30% áielder jáne 20% 35 jasqa deiingi jastar enýi kerek. Sondai-aq, tizimge halyqtyń túrli toptarynyń ókilderi, elge oralǵan otandastar, múmkindigi shekteýli jandar, kásipkerler men BAQ ókilderi enýge tiis, - dedi Nursultan Nazarbaev.
Sonymen qatar, partiia Tóraǵasy jergilikti jerlerde partiia organdarynyń jumysyn kúsheitý jáne partiianyń el óńirlerindegi biriktirýshi rólin arttyrý qajettiligin atap ótti.
Sóz sońynda Elbasy taǵy da partiianyń elektoraldy kezeń qarsańyndaǵy jumysyn kúsheitýdiń mańyzdylyǵyna toqtaldy.
– Jeńiske jetý úshin barlyq resýrstardy jumyldyrýymyz kerek. Aqpan aiynda partiia sezi ótedi. Onda biz partiia jumysyn jandandyrýdyń aldyn-ala nátijelerin shyǵaryp, aldaǵy elektoraldyq mindetterdi egjei-tegjeili talqylaimyz. Qazir «Jas Otan» memlekettik organdarmen birlesip, 2025 jylǵa deiin jańa «Jastar-Otanǵa» baǵdarlamasyn ázirleýde. Onda búgingi jastardyń barlyq suranystaryna jaýaptar kórsetiledi. Sáýir aiynda jańa baǵdarlama «Jas Otan» sezinde usynylýy qajet, - dedi Nursultan Nazarbaev.
Kezdesý barysynda Elbasy belsendi múshelerdi «Nur Otan» partiiasynyń damýyna qosqan úlesi úshin «Belsendi qyzmeti úshin» medalimen marapattady.
