Nazarbaev: «Samuryq-Qazynanyń» el ekonomikasy úshin mańyzy zor

Elbasy «Samuryq-Qazyna» aktsionerlik qoǵamy basqarmasynyń tóraǵasy Ómirzaq Shókeevti qabyldady, dep habarlaidy "Ult aqparat" Aqordaǵa silteme jasap.

Qazaqstan Prezidenti elimizdiń ekonomikasynda qordyń mańyzdy ról atqaratynyn atap ótip, ony ári qarai damytýdyń jekelegen baǵyttaryna toqtaldy.

– «Samuryq-Qazyna» qorynyń el ekonomikasy úshin mańyzy zor. Ol memlekettiń negizgi aktivterin basqaryp otyr. Qazirgi ýaqytta ahýaly jaqsy. Metaldar baǵasynyń koniýnktýrasy qolaily bolyp qalýda, – dedi Nursultan Nazarbaev.

Ó.Shókeev Memleket basshysyna biylǵy 7 aida atqarylǵan jumystardyń qorytyndysy, sondai-aq qordy jáne onyń enshiles kásiporyndaryn transformatsiialaý barysy týraly baiandady.

– Qordyń óndiristik jáne baǵa kórsetkishteri byltyrmen salystyrǵanda áldeqaida joǵary. Jalpy, qordyń jaǵdaiy turaqty. Qazir enshiles kompaniialarda transformatsiialaýdyń 130-ǵa jýyq jobasy engizilýde. Jekeshelendirýge qatysty aitar bolsaq, josparlanǵan 2015 nysannyń 60%-y jekeshelendirildi. Búginde iri kompaniialardy satýǵa kiristik, – dedi «Samuryq-Qazyna» aktsionerlik qoǵamy basqarmasynyń tóraǵasy.

Sondai-aq, Ó.Shókeev Halyqaralyq IFSWF-2017 táýelsiz ál-aýqat qorlary forýmyn ótkizýge daiyndyq barysy jóninde aitty. Onda álemdik ekonomika jaǵdaiyndaǵy investitsiialyq saiasat máselelerin talqylaý josparlanýda.

Sońynda Elbasy birqatar naqty tapsyrma berdi.