Nursultan Nazarbaev Ózbekstan Respýblikasynyń Prezidenti Shavkat Mirziioevpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar Qazaqstan men Ózbekstan arasyndaǵy qarym-qatynastardyń ahýalyn joǵary baǵalap, olardy ári qarai damytýdyń perspektivalaryn talqylady.
Memleket basshysy saýda-ekonomikalyq, mádeni-gýmanitarlyq jáne basqa da salalardaǵy ekijaqty yntymaqtastyqtyń qarqyndy damyp kele jatqanyna toqtaldy. Atap aitqanda, ózara saýda ainalymynyń ulǵaiǵany, eki eldiń biznes qaýymdastyǵy ókilderi arasynda tabysty bailanystar ilgerilep kele jatqany atap ótildi.
Qazaqstan Prezidenti halyqaralyq jáne óńirlik kún tártibindegi ózekti máseleler boiynsha da ekijaqty yqpaldastyqtyń tabysty bolyp otyrǵanyn aitty.
Budan bólek, Samarqand qalasyna jumys sapary barysynda Nursultan Nazarbaev Shavkat Mirziioevpen birge «Haziret Qyzyr» memorialdy keshenine baryp, Ózbekstan Respýblikasynyń tuńǵysh Prezidenti Islam Kárimovtiń rýhyna taǵzym etti.
Sondai-aq, eki memleket halqyna ortaq Naýryz meiramy qarsańynda Memleket basshysy Ózbekstan Prezidentimen birge Samarqand qalasynyń birqatar mádeni-tarihi oryndaryn aralap kórdi.
