Qazaqstan Prezidenti «Rothschild & Co» kompaniiasynyń basshylary Erik de Rotshildpen, Klaýs Mangoldpen jáne Djovanni Salvettimen kezdesti, dep habarlaidy "Ult aqparat" Aqordaǵa silteme jasap.
Memleket basshysy «Rotshild» kompaniiasynyń qarjy sektoryndaǵy jumys tájiribesi mol jáne halyqaralyq bedeli biik ekenin atap ótti.
– «Rotshild» kompaniiasy – álemdegi erteden kele jatqan iri qarjy institýttarynyń biri. Sizderdiń jeke kapital salymshylarmen jumys jónindegi tájiribelerińiz mol. Bul tájiribe bizdiń elimiz úshin de mańyzdy. Sol sebepti qazir Qazaqstannyń Ulttyq bankine keńes berip otyrsyzdar, – dedi Nursultan Nazarbaev.
Erik de Rotshild Qazaqstan Prezidentine kezdesýge múmkindik týǵyzǵany úshin alǵys aityp, elimizdiń qarqyndy damyp kele jatqanyna qyzyǵa qaraitynyn jetkizdi.
– Bul – meniń Qazaqstanǵa alǵashqy saparym. Sońǵy eki kúndegi áserlerim óte jaqsy. Sizdiń arqańyzda bolashaqta elińiz joǵary qarqynmen damityn bolady. Qazaqstan geografiialyq turǵydan utymdy jerde ornalasqan. Ol Aziia men Eýropa arasyndaǵy kópir bolyp sanalady. Sizdiń ekonomikany ártaraptandyrýǵa, ónerkásipti damytýǵa jáne shikizattyq ekonomikadan bas tartýǵa jetelegen úrdisterdi aiqyndai alǵan kóregen qadamyńyz meni tánti etti, – dedi kompaniianyń direktorlar keńesiniń tóraǵasy Erik de Rotshild.
