Memleket basshysy Nursultan Nazarbaev arnaiy málimdeme jasap, erteń jariia bolatyn Joldaýdyń negizgi taqyryby týraly aitty, - dep habarlaidy "Ult aqparat".
«Qurmetti qazaqstandyqtar! Qasietti otanymyz táýelsizdiktiń úshinshi músheline aiaq basty. Qazaqstan qysqa merzim ishinde kemeldenip, qýaty tolysqan saqa memleketke ainaldy. Shirek ǵasyrda elimizdi túbegeili ózgertken eki jańǵyrýdy iske asyrdyq. Aldymen naryqtyq ekonomika qaǵidalaryna negizdelgen múldem jańa sipatty memleket qurdyq. Ekinshiden, Qazaqstan-2030 strategiiasyn júzege asyryp, asqaq astanamyzdy saldyq. Al qazir kezekti mańyzdy belestiń aldynda turmyz.
Erteń qańtardyń 31-inde meniń halyqqa Joldaýym aqparat quraldarynda jariialanady. Men biylǵy joldaýymda el damýyna tyń qarqyn beretin jańa baǵdardy usynbaqpyn. Basty taqyryp «Qazaqstannyń úshinshi jańǵyrýy. Ol elimizdiń ekonomikalyq damýynyń innovatsiialyq ózegine ainalyp, básekege qabiletin arttyra túsýi tiis. Biz sandyq tehnologiialarǵa negizdelgen bolashaǵy zor baǵyttarǵa airyqsha mán beretin bolamyz. Al bilim berý, densaýlyq saqtaý, halyqty áleýmettik qorǵaý jáne baspanamen qamtamasyz etý siiaqty mańyzdy salalar qashanda basty nazarda qala bermek», - dedi Nursultan Nazarbaev.
Elbasy zańǵa sáikes, Prezidenttiń joldaýdy aýyzsha jáne jazbasha túrde jasaýyna bolatynyn, óziniń biyl ekinshi jolyn tańdaǵanyn aitty.
Eske salaiyq, 25 qańtarda Qazaqstan Prezidenti qazaqstandyqtarǵa arnaiy úndeý jasaǵan bolatyn. Prezidenttiń bilik tarmaqtaryn úlestirý máseleleri boiynsha úndeýi telearnalar efirinde taratyldy.
.jpeg)