Qazaqstan Prezidenti Reseidiń «Pervyi kanal» telearnasyna suhbat berdi, dep habarlaidy "Ult aqparat" Aqordaǵa silteme jasap.
Memleket basshysy reseilik telearna tilshisimen áńgimelesý kezinde Eýraziialyq ekonomikalyq odaq aiasynda Qazaqstan men Resei arasyndaǵy yntymaqtastyqty damytýdyń negizgi aspektileri jóninde aitty.
Sonymen qatar, Nursultan Nazarbaev «Bir beldeý, bir jol» baǵdarlamasynyń iske asyrylý nátijelerine jáne perspektivalaryna toqtalyp, Qazaqstannyń syrtqy saiasi qyzmetiniń negizgi máselelerine qatysty saýaldarǵa jaýap berdi.
Memleket basshysy Qazaqstan halqyna arnalǵan «Prezidenttiń bes áleýmettik bastamasy» atty úndeýiniń mánin túsindirip, ony sapaly túrde oryndaýdyń mańyzdy ekenin aitty.
– Bes áleýmettik bastamany iske asyrý barysynda muǵalimderdiń jalaqylary da ósetin bolady. Qazir biz mektepterde bilim berýdiń jańa mazmunyna kóshtik, bul muǵalimderdiń jalaqysyn 30 paiyzǵa arttyrýǵa múmkindik beredi. Sondai-aq, orta bilim berý júiesinde biliktilik sanattary kózdelgen. Sanaty kóterilgen muǵalimderdiń jalaqysy qosymsha 50 paiyzǵa kóbeietin bolady, – dedi Qazaqstan Prezidenti.
