Qazaqstan Prezidenti Nursultan Nazarbaev Belarýs Respýblikasynyń Prezidenti Aleksandr Lýkashenkomen telefon arqyly sóilesti, - dep habarlaidy "Ult aqparat" Aqordaǵa silteme jasap.
Əńgime barysynda Nursultan Nazarbaev pen Aleksandr Lýkashenko ekijaqty yntymaqtastyqtyń meilinshe ózekti taqyryptaryn talqylady.
Memleketter basshylary Eýraziialyq ekonomikalyq odaqtyń qazirgi qyzmeti men onyń budan əri damýynyń məseleleri jóninde pikir almasty.
Sondai-aq, eki eldiń kóshbasshylary aldaǵy kezdesýlerdiń kestesin qarastyrdy. Atap aitqanda, Qazaqstan Prezidenti Belarýs Prezidentin Shanhai yntymaqtastyq uiymynyń sammitine jəne Astanadaǵy EKSPO-2017 halyqaralyq kórmesiniń ashylý saltanatyna shaqyrdy.
Sonymen qatar, Belarýs Prezidentiniń resmi saitynda eki jaqtyń qazirgi máselelerge alańdaýshylyq bildiretinderini aitylǵan.
"Qazaqstan Prezidenti Nursultan Nazarbaev Resei men Belarýs arasyndaǵy problemalarǵa alańdaýshylyq bildirdi. Sonymen qatar, ol qazirgi máseleler odaq ishinde ózara sheshimin tabady degen senimde", - dep jazylǵan Belarýs prezidentiniń saitynda.
Sondai-aq, Nursultan Nazarbaev belorýs basshysyna Qazaqstan men Qyrǵyzstan arasyndaǵy máselelerdi jáne onyń sheshimderin aitqan. Eki jaq qazaq-belorýs qarym-qatynasyn talqylady.
