Qazaqstan Prezidenti Nursultan Nazarbaev eki iadrolyq memleket - Resei men AQSh arasyndaǵy sanktsiialyq teketireske qatysty alańdaýshylyq bildirdi, - dep habarlaidy RIA Novosti.
"Biz búginde AQSh pen Reseidiń sanktsiiany qatańdatý máselesine alańdap otyrmyz. Bul eki jetekshi iadrolyq memleketter arasyndaǵy shielenisti arttyryp otyr. Sondyqtan bul alańdaýshylyq týǵyzbai qoimaidy", - dedi Qazaqstan Prezidenti tómen baiytylǵan ýran bankiniń ashylý saltanatynda.
Eske sala keteiik, osyǵan deiin AQSh prezidenti Reseige qarsy eń qatań sanktsiialar týraly zańǵa qol qoiǵan bolatyn. "Biz sanktsiialardyń joiylýyn qalaimyz. Biraq bul Reseidiń óz moinyna alǵan mindetterin oryndaǵanda ǵana múmkin. Alaida Reseidiń sońǵy diplomatiialyq qadamdary keri shyǵyp otyr", - degen edi AQSh vitse-prezidenti Maikl Pens.
AQSh-tyń kongress ókilderiniń palatasy qabyldaǵan zań jobasy reseige qatysty "salqyn soǵystan" bergi eń qatań shara bolyp otyr.
Qujat boiynsha, amerikalyq kompaniialar men jeke tulǵalar sanktsiiaǵa kiretin reseilik banktermen kelisimshart jasasa almaidy. Sonymen qatar, sanktsiialar energetikalyq sektordy da qamtyp otyr.
