قازاقستان پرەزيدەنتٸ نۇرسۇلتان نازارباەۆ ەكٸ يادرولىق مەملەكەت - رەسەي مەن اقش اراسىنداعى سانكتسييالىق تەكەتٸرەسكە قاتىستى الاڭداۋشىلىق بٸلدٸردٸ, - دەپ حابارلايدى ريا نوۆوستي.
"بٸز بٷگٸندە اقش پەن رەسەيدٸڭ سانكتسييانى قاتاڭداتۋ مەسەلەسٸنە الاڭداپ وتىرمىز. بۇل ەكٸ جەتەكشٸ يادرولىق مەملەكەتتەر اراسىنداعى شيەلەنٸستٸ ارتتىرىپ وتىر. سوندىقتان بۇل الاڭداۋشىلىق تۋعىزباي قويمايدى", - دەدٸ قازاقستان پرەزيدەنتٸ تٶمەن بايىتىلعان ۋران بانكٸنٸڭ اشىلۋ سالتاناتىندا.
ەسكە سالا كەتەيٸك, وسىعان دەيٸن اقش پرەزيدەنتٸ رەسەيگە قارسى ەڭ قاتاڭ سانكتسييالار تۋرالى زاڭعا قول قويعان بولاتىن. "بٸز سانكتسييالاردىڭ جويىلۋىن قالايمىز. بٸراق بۇل رەسەيدٸڭ ٶز موينىنا العان مٸندەتتەرٸن ورىنداعاندا عانا مٷمكٸن. الايدا رەسەيدٸڭ سوڭعى ديپلوماتييالىق قادامدارى كەرٸ شىعىپ وتىر", - دەگەن ەدٸ اقش ۆيتسە-پرەزيدەنتٸ مايكل پەنس.
اقش-تىڭ كونگرەسس ٶكٸلدەرٸنٸڭ پالاتاسى قابىلداعان زاڭ جوباسى رەسەيگە قاتىستى "سالقىن سوعىستان" بەرگٸ ەڭ قاتاڭ شارا بولىپ وتىر.
قۇجات بويىنشا, امەريكالىق كومپانييالار مەن جەكە تۇلعالار سانكتسيياعا كٸرەتٸن رەسەيلٸك بانكتەرمەن كەلٸسٸمشارت جاساسا المايدى. سونىمەن قاتار, سانكتسييالار ەنەرگەتيكالىق سەكتوردى دا قامتىپ وتىر.
