Daǵdarys jaǵdaiyndaǵy túsinispeýshilik pen jańsaqtyq áskeri teketireske alyp kelýi múmkin. Bul týraly búgin elordada ótip jatqan Astana klýbynyń jalpy otyrysynda QR Prezidenti Nursultan Nazarbaev aitty, dep habarlaidy QazAqparat tilshisi.
«Resei, AQSh jáne Qytai Halyq Respýblikasy arasyndaǵy geosaiasi básekelestiktiń kúsheiýi jahandyq turǵyda ǵana emes, sonymen birge Úlken Eýraziia perimetrinde de oryn alyp jatyr. Osynaý strategiialyq úshtaǵandaǵy kúrdeli sát, eger tarihty eske alsaq, barlyq ýaqytta da bolǵan. Degenmen, olardyń basqarýshylyq deńgeii sońǵy jyldary kúrt tómendep barady», - dedi Qazaqstan Prezidenti.
Elbasynyń paiymynsha, endigi ýaqyttaǵy daǵdarystyń aýqymy buryn-sońdy bolmaǵan deńgeide oryn alýy yqtimal.
«Keń aýqymdaǵy janjaldarǵa deiin órshýge qabiletti oqiǵalardyń yqtimaldyǵy eselep óse túsedi. Daǵdarys jaǵdaiyndaǵy túsinispeýshilik pen jańsaqtyq áskeri teketireske alyp kelýi múmkin», - dedi Nursultan Nazarbaev.
Aita keteiik, Elbasy jiyn barysynda Úlken Eýraziianyń sulbasy qalyptasyp kele jatqanyn aitqan bolatyn.
