داعدارىس جاعدايىنداعى تٷسٸنٸسپەۋشٸلٸك پەن جاڭساقتىق ەسكەري تەكەتٸرەسكە الىپ كەلۋٸ مٷمكٸن. بۇل تۋرالى بٷگٸن ەلوردادا ٶتٸپ جاتقان استانا كلۋبىنىڭ جالپى وتىرىسىندا قر پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«رەسەي, اقش جەنە قىتاي حالىق رەسپۋبليكاسى اراسىنداعى گەوساياسي بەسەكەلەستٸكتٸڭ كٷشەيۋٸ جاھاندىق تۇرعىدا عانا ەمەس, سونىمەن بٸرگە ٷلكەن ەۋرازييا پەريمەترٸندە دە ورىن الىپ جاتىر. وسىناۋ ستراتەگييالىق ٷشتاعانداعى كٷردەلٸ سەت, ەگەر تاريحتى ەسكە الساق, بارلىق ۋاقىتتا دا بولعان. دەگەنمەن, ولاردىڭ باسقارۋشىلىق دەڭگەيٸ سوڭعى جىلدارى كٷرت تٶمەندەپ بارادى», - دەدٸ قازاقستان پرەزيدەنتٸ.
ەلباسىنىڭ پايىمىنشا, ەندٸگٸ ۋاقىتتاعى داعدارىستىڭ اۋقىمى بۇرىن-سوڭدى بولماعان دەڭگەيدە ورىن الۋى ىقتيمال.
«كەڭ اۋقىمداعى جانجالدارعا دەيٸن ٶرشۋگە قابٸلەتتٸ وقيعالاردىڭ ىقتيمالدىعى ەسەلەپ ٶسە تٷسەدٸ. داعدارىس جاعدايىنداعى تٷسٸنٸسپەۋشٸلٸك پەن جاڭساقتىق ەسكەري تەكەتٸرەسكە الىپ كەلۋٸ مٷمكٸن», - دەدٸ نۇرسۇلتان نازارباەۆ.
ايتا كەتەيٸك, ەلباسى جيىن بارىسىندا ٷلكەن ەۋرازييانىڭ سۇلباسى قالىپتاسىپ كەلە جاتقانىن ايتقان بولاتىن.
