Elbasy Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy elbasy.kz.
Áńgime barysynda Vladimir Pýtin Nursultan Nazarbaevqa qoldaý bildirip, virýsty jeńýin jáne tezirek saýyǵyp ketýin tiledi.
Elbasy Resei Federatsiiasynyń Prezidentine aldańdaýshylyq tanytyp, jyly lebizderin joldaǵany úshin shyn júrekten rizashylyǵyn bildirdi.
Nursultan Nazarbaev Vladimir Pýtindi jáne Resei halqyn kelesi aptada Máskeý qalasynda Uly Otan soǵysyndaǵy Jeńistiń 75 jyldyǵyn merekeleýge orai ótetin saltanatty is-sharalarmen quttyqtady.
Búdan buryn Vladimir Pýtin Nursultan Nazarbaevqa tezirek saýyǵyp ketýin tilep, telegramma joldaǵany habarlanǵan edi.
Eske salaiyq, 18 maýsymda Elbasynyń koronavirýsqa jasaǵan PTsR-testi oń nátije kórsetti. QR Tuńǵysh Prezidenti – Elbasynyń baspasóz hatshysy Aidos Úkibai Nursultan Nazarbaevtyń densaýlyǵy meditsina qyzmetiniń baqylaýynda ekenin habarlady. Elbasy zamanaýi kommýnikatsiia kanaldaryn qoldana otyryp, qashyqtan jumys istep jatyr.
