Taraptar bir-birin Uly Otan soǵysyndaǵy Jeńistiń 75 jyldyǵymen quttyqtady, dep habarlaidy "Ult aqparat" Elbasynyń resmi saityna silteme jasap.
Nursultan Nazarbaev pen Vladimir Pýtin Qazaqstan men Reseide koronavirýs epidemiiasyna qarsy kúreste qabyldanyp jatqan sharalardy, sondai-aq indettiń memleketterdiń ekonomikalyq damýyna áserin talqylady.
Osy rette taraptar tezirek jahandyq koronavirýs pandemiiasyn eńserýge jáne ekonomikalyq daǵdarystan shyǵýǵa baǵyttalǵan úilestirilgen halyqaralyq sharalar ázirleýdiń mańyzdylyǵyn atap ótti.
Áńgime sońynda Nursultan Nazarbaev pen Vladimir Pýtin eki el arasyndaǵy saiasi, ekonomikalyq jáne gýmanitarlyq bailanystardy odan ári nyǵaitýdyń mańyzdylyǵyna toqtaldy.
