Elbasy Nursultan Nazarbaev «Habar» arnasyna bergen suhbatynda Prezident qyzmetine birneshe adamdy qarastyrǵanyn, sondai-aq nege Qasym-Jomart Toqaevty tańdaǵanyn túsindirdi, dep habarlaidy QazAqparat.
«Árbir basshylyqta jumys isteitin birinshi basshy zamany kelgende oilana bastaidy, iaǵni «bilikti endigi býynǵa qalai beremiz, ony kim basqarady» degendi qarastyrady. Árine, meniń tóńiregimde kóptegen jaqsy azamattar ósti, ony ózderińiz kórip júrsizder. Osy oraida birneshe adamdy qarastyrdym. Sonyń ishinen búgingi kúni eń durysy ári sai keletini Qasym-Jomart Kemeluly Toqaev dep eseptedim. Nege? Birinshiden, meniń janymda shirek ǵasyr ýaqyttan beri kele jatqan adam. Men ony jaqsy bilemin, ol da meniń jumysymnyń syr-sipatynyń barlyǵyn biledi. Ekinshiden, qazaqtyń birden bir saýatty azamaty. Úshinshiden, diplomatiialyq ómirde kóp kisilermen tanysqan, barlyǵy ony biledi», - dedi QR Tuńǵysh Prezidenti.
Bul turǵyda Elbasy QR Prezidenti Qasym-Jomart Toqaev BUU Bas hatshysynyń orynbasary, QR Parlamenti Senatynyń tóraǵasy, Úkimet basshysy sekildi laýazymdy qyzmetterdi atqarǵanyn eske saldy.
«El basqarý ońai emes. Árqaisysy el basqaramyn dep oilaidy. Eldiń tańdaǵany durys. «Nur Otan» partiiasynyń jáne meniń usynýymmen halyq sailady. Endi qazirgi Prezidentimizdi barlyǵymyz qoldaýymyz kerek», - dedi Nursultan Nazarbaev.
.jpeg)