Qazaqstannyń Tuńǵysh prezidenti Nursultan Nazarbaev Nur Otan fraktsiiasy atynan partiia múshelerine ótinish jasady – premer-ministr laýazymyna Asqar Maminniń kandidatýrasy usynylǵan jaǵdaida, ony qoldaýdy surady.
"Meniń oiymsha, sabaqtastyqty saqtaý kerek. Barlyq qiyndyqqa qaramastan, Úkimet óz jumysyn jaqsy atqardy. Basqa elderge qaraǵanda biz jaman nátije kórsetken joqpyz. Eger Prezident Asqar Uzaqbaiuly Mamindi usynsa, onda men fraktsiiadan onyń kandidatýrasyn qoldaýdy suraimyn", - dedi Nursultan Nazarbaev.
Aita keteiik, parlament sailaýynan keiin ministrler kabinetiniń ókileti toqtatylady. 10 qańtarda Qazaqstanda parlamenttiń tómengi palatasy – májilis depýtattarynyń sailaýy ótti.
Asqar Uzaqbaiuly Mamin 1965 jyly 23 qazanda Tselinograd qalasynda dúniege kelgen. 1987 jyly Tselinograd injenerlik-qurylys institýtyn injener-qurylysshy mamandyǵy boiynsha bitirgen. 2003 jyly Resei Federatsiiasy úkimeti janyndaǵy halyq sharýashylyǵy akademiiasyn támamdady.
Áieli – Altynai Qasymqyzy. Balalary – uly Daniiar men qyzy Dinara.
Eńbek ótili
Montajdaýshy, "Tselintiajstroi" trestiniń sheberi (1987-1988 jj.);
Qazaqstannyń innovatsiialyq kásiporyndary odaǵy bas direktorynyń orynbasary (1991-1993);
"Inter-Ishim" QK bas direktory (1993-1996);
Aqmola (Astana) qalasy ákiminiń birinshi orynbasary (1996-2000);
Aqmola AEA ákimshilik keńesi tóraǵasynyń orynbasary (1998-2000);
Qazaqstan Respýblikasy kólik jáne kommýnikatsiialar vitse-ministri (2000-2002);
Qazaqstan Respýblikasy Kólik jáne kommýnikatsiialar ministrligi avtomobil joldary komitetiniń tóraǵasy (2000-2001);
"Inkom Astana" JShS bas direktory (2002-2003);
Qazaqstan Respýblikasy ónerkásip jáne saýda ministrliginiń birinshi vitse-ministri (2003-2004);
Qazaqstan Respýblikasy kólik jáne kommýnikatsiialar ministri (2005-2006);
Astana qalasynyń ákimi (2006-2008);
"Qazaqstan temir joly" ulttyq kompaniiasy" AQ prezidenti (2008-2016);
Qazaqstan Respýblikasy premer-ministriniń birinshi orynbasary (2016);
Qazaqstan Respýblikasynyń premer-ministri (2019 jyldyń aqpanynan qazirge deiin).
