- Ózge eldiń shańyn jutý bizdiń jolymyz emes. Búgin Jalpyulttyq telekópir barysynda QR Prezidenti Nursultan Nazarbaev osylai málim etti, dep habarlaidy "Ult Aqparat".
«Biz búkil álemdegi daǵdarysqa, nashar jaittarǵa qaramastan toqtamastan damyp jatqanymyzdy, alyp kásiporyndardy iske qosatyndyǵymyzdy aitamyz. Jańa jumys oryndaryn, zamanaýi zaýyttar, qaita óńdeý oryndaryn qurýdamyz. Álemde munymen qazir kim ainalysýda. Qandai memleket? Ondailar joq. Demek, biz uly bolýǵa umtylǵan elmiz. Onyń halqy da uly, onyń búkil ókili sizder osynda otyrsyzdar», - dedi Memleket basshysy.
Elbasy tek aýqymdy indýstrialandyrý ǵana elimizdi álemniń damyǵan 30 eliniń qataryna qosatyndyǵyn basa aitty.
«Bizdiń basty maqsatymyz - arman. Adamnyń armany bolǵan kezde ol eshýaqytta qartaimaidy. Armanmen ómir súrý qajet. Sol armanǵa qarai jyljý qajet. Arman óte úlken bolýy tiis. Eger tipti ortasyna deiin jeter bolsań, onda zor tabystarǵa kenelesiń. Birinshi kezekte muny jastarǵa aityp otyrmyn. Bul bizdiń 25 jyldyǵymyzdyń qarsańyndaǵy mańyzdy sharalardyń biri boldy. Mindetter jańa, eger men ony aldaryńa qoisam, jumys isteiik», - dedi Nazarbaev.
QR Prezidenti patshalyq Resei kezinde qazaqtyń jer qoinaýynyń barlyq bailyǵy shikizat kúiinde syrtqy tasymaldanǵanyn, tipti elimizdiń ishinde joldardyń da bolmaǵanyna erekshe toqtalyp ótti.
«Al qazir qarańyzdarshy, qandai temir joldy iske qostyq. Buryn mundai bolǵan emes. Óitkeni, biz koloniia boldyq. Munai, gaz, altyn, kúmis - qudaiǵa shúkir bizde bar. Bul bizdiń qaltamyzdaǵy bailyǵymyz. Ony eshkim ala almaidy. Biz ózge elderdiń shańyn jutpaýymyz qajet. Bul bizdiń jolymyz emes», - dedi Elbasy.
.jpeg)